[صوت الدماء]

جمالك صورة من تنطق

تسكت كل حروف الكون

وانه المبهور بالوانك

ما ادري الحسن جم لون


الوان الدم الي سال

تبهرني مو لون عيون

جمال عيونك ادري به

هالعالم به ِ مفتون

بس طبعي يابو السجاد

ادور جوهر ومضمون

ومضمون الحسن يحسين

لكيته بمنحرك مكنون

ــــــــــــــــــــــــــــــــــــــــــــــــــ ـــــــ

والوان الدم الي سال


صور اعجز احددها

جم لون الرسم الوان

وجم صورة واعددها

ابدي بشمعته جسام

واوكف سيدي عدها

ما عندي كلام هناك

كلمته بدمه رددها

جاسم وبحبال دماه

حروفي لجرحه قيدها

ـــــــــــــــــــــــــــــــــــــــــــــــ


اسكت لو بعد احجي

اكو لون الذي يسحر

لحظة من وفا العباس

اظنها من الوفا اكبر

خل نسأل فرات الاه

عجيبه بلونه متأثر !!

وما راح شعجب هالماي

يروي جبد ابو الاكبر

مثل ما خاطر العباس

يكسره كلبه يتكسر

مجروح الفرات يسيل

يشوف الكون بس احمر

ــــــــــــــــــــــــــــــــــــــــــــــــــ ــــــ


شكد عندي بعد الوان


سهم عبد الله البنحرة

لو سكنه يابو السجاد

عطشها سيدي شكبره

ما شربت لانها تخاف

نعطش ساعة العسرة

وعدنا بالمثل معروف

ومحد سيدي ينكره

كل واحد يروحي يكول

وكلمن حاير بامره

بس سكنه يابو السجاد

رفضت هذه ِ الفكرة

مو عجبة اذا هاللون

بيها سيدي ننظرة

الجانت تندعي للناس

امها فاطمة الزهرة

ــــــــــــــــــــــــــــــــــــــــــــــــــ ــــــ

وما تذكر نفسها يشوف

ابنها المجتبى واحتار

كالتله ينور العين

ويامهجة علي الكرار

هاك اخذه درس يبني

تكله الجار ثم الدار

يبو اليمة ولونه نريد

ببحور البتول ابحار

نغرك سيدي صعبة

يضربنا نخاف اعصار

لان الوان هالزهرة

ما تتقارن بازهار

ـــــــــــــــــــــــــــــــــــــــــــــــــ

ويبقى يسحر الاحساس

لون الما اله ثاني

لون الفاض من كلبك

لون من الدم القاني

سحر ياسيدي ينساب

اخذ بالباب وجداني

اذكره مهجتي تنصاب

عشكت الاه خلاني

على عناد اليريد انساك

يظل اسمك على لساني

واذا انساك بس لحظات

كبلها روحي تنساني

وابقى سيدي مبهور

وجمالك يبقى شي ثاني

اسود وابيض العالم

وحبك يبقى الواني

[أميرة الإحساس شيعية]

كلمآآآت فيي قمة الروعة ..

سلمت اناملك أخي العزيز ..

تحياتي لك ..

أميرة الإحساس..

[صوت الدماء]

تسلمين عالمرور الرائع وجودك اختي

اختك

[نسايم]

اللهم صل على محمد وال محمد وعجل فرجهم وفرجنا بهم


بارك الله فيك

كلمات رائعة

وفقك الله لما فيه الخير وسدد خطاك ...

دمت في حفظ المولى ...

[عاشقة النجف]

بسم الله الرحمن الرحيم

ماهذه الحروف اللتي قراتها؟؟
ابكت عيني والله يااخي
صورت صورة اليمه تنطق بحزن وانه ..

سدد المولى خطاكم
وطيب الله انفاسكم
بانتظار جديدكم

[الباحث عادل الايهم]

اللهم صل على محمد وال محمد وعجل فرجهم

السلام عليكم اختى الكريمة والطيبة
صوت الدماء
واخيرا .......... انضممت الى منتدى انا شيعي فالف اهلا والف سهلا بمقدمك الكريم والذي لاحنى شيئا من الفرح والبهجة والسرور
.... يسعدنا ويشرفنا ان تنضم الشاعرة الغالية وصاحبة الحروف النورانية وصاحبة الكلمات اليانعة والتى هى كالازاهير المترنمة بعشق الولاية الحيدرية الفاطمية
........ يسعدنا ونحن نرى صوت الدماء بيننا والتى اسميها ( بصوت الابداع العلوي )
فاهلا وسهلا بك الف مرة ومرة
..... ابقي هنا دوما
فكلماتكم دوما فى المقدمة
واما قصيدتكم الغراء ...... فلها دوي خاص ومعان جمة سارت مع الابداع ابداعا فكونتا بحرا

..... زميلكم فى الله
وخادمكم دوما
ايهم الرافضي
دمتم فى رحاب مدينة فاطم عليها السلام

[صوت الدماء]

شكرا لكم عزيزتي نسايم

عاشقة النجف بوركت ِ من عاشقة

ومن لايذكر الحسين ويبكي

اخي ايهم الرافضي

لساني عاجز عن شكر واحدة

من هذه الكلمات الكثيرة بحقي

اشكرك اخي على الترحيب الحار

والاطراء الذي لا استحقه

[والي مطر]

كلمات قمه في الجمال تحاكي الحزن الذي يسود محبي محمد وال محمد صلوات الله عليهم اجمعين عندما تكون ذكراهم فاجعة الطف الأيمة وفقتي لما يحب الله ويرضا تقبلي مروري اخوك (والي مطر)