يسعد لي صبااحكم ومسااكم يا أحلى أعضاااء ..
صباحك اسعد
شلووونكم ؟ شخباااركم ؟
الحمد الله تماموانت شخبارك
بما ان ايام شهر الله الكريم انقضت ولياليه تصرمت والحين بيي لنا عيد الفطر المبارك ..
عيدكم مبارك وعسااكم من عواده مقدماً ..
كل عام وانت بخير وايام سعيده
والحين الكل يرووح السووق عشاان ياخذوا اغراض للعيد ومستلزمات المدراس والجامعات موو ..
صح
فاليووم الله يسلمكم ويسلمني من كل شر ياارب حابه استجوبكم وادردش وياااكم عن التسووق ..
الله يستر
يلااا نبتدي ..
بسم الله الرحمن الرحيم
احسن مكان للتسوق في بلدكم "واللي برا يقولون الاسواق اللي عندهم"وين؟
السوق الرئيسي في الاحساء هو سوق السويج بالهفوف وسوق شارع النجاح و شارع الفيصليه اللي فيه الكرامه ( من اللي قالك عنه )مركز البستان و مركز العثيم بالمبرز واسواق المبرز هذا غير المحلات الكبرى وفي بعد الاسواق المتنقله بس هذا اللي اذكر
على اي اساس تختاروون السوق اللي تبوون تشتروون منه؟
انا اروح السويج وشارع النجاح و احيانا شارع الفيصليه لان البضاعه عندهم بسرعه تتغير
شنو اهم شي يخليكم تروحوون السوق عشان تشترونه؟
اذا في شي ناقص عندي لازم اروح اشتري
متى انسب وقت حق روحة السوق ؟( اليوم \الوقت)
مافي وقت محدد يعني في الايام العاديه العصر بعد صلاة العصر وفي اي يوم لان السياره متوفره
اما في رمضان افضل بعد ليالي القدر والوقتمن 7:45 او الساعه 8 مساء لان الايام الاخيره تكون زحمه
مع منو تفضلوون تروحوون السوق ؟
امي واختي اللي اصغر مني واحيانا اذا اختي الكبيره موجوده مو مشكله
تحاولوون انكم تحطوون ميزانيه معينه حق السوق؟
لا بس لازم يكون معان مبلغ يكفي
وكم تصرفوون بالروحه الوحده حق السوق بحدود كم يعني؟
يعني على حسب اذا انا واختي ناخذ اللي نبقي و امي مسكينه تدفع من 400 او 800 ريال
شنو المحل اللي تحرصوون انكم تشوفوون شنو منزل شي يديد؟
انا عندي محلات معينه بس لازم اشوف المحلات الثانيه
كم مره تروحوون السوق بالشهر؟
اذا ناقصه عندي حاجات اروح السوق
رحتوا السووق ولابعدكم عشاان تشتروون للعيد ولالا ؟
اي بعد ليالي القدر
ضروري انكم بالعيد تشتروون ملاابس يديده ولامو لازم تلبسوون اي شي قديم ؟
لازم وضروري واكيد
تهتموون للمااركه او لجودة البضااعه ؟
الماركه احيانا بس جودة البضاعه شي اكيد
انتوا مع او ضد الاسواق المتنقله ؟
انتوا مع او ضد المجمعات التجاريه ؟
شنو الايجابيات والسلبيات بالاسواق المتنقله ؟
شنو الايجابيات والسلبيات بالمجمعاات ؟
عبر بكلمه وحدة عن المجمعات التالية في البلدان التاليه إذا كنت زرتها :
انا بقوول اللي اعرفهم وزرتهم ..
وانتوا الباقي عليكم اي مكاان تعرفوونه وترحوونه اذكرووه حتى الاسواق المتنقله عشاان نتعرف عليهم ..:rolleyes:
((السعووديه ))
ابن خلدون بلازا ((الدمام ))؟
مارينا مول (الدمام) ؟
الشاطئ مول (الدمام) ؟
جمعه سنتر (الخبر)؟
فؤاد سنتر(الخبر)؟
الراشد(الخبر)؟
الظهران مول(الظهران)؟
فينيسيا (الخبر)؟
الخنيزي (القطيف) ؟
القطيف سيتي مول ((القطيف)) ؟
سنتر بوينت ((سيتي بلازا)) ؟
شارع الحب ((الدمام)) ؟
سوق قديم اسمع عنه يمكن مره دخلته مع خالتي بس ما اذكر شي بس الاسم الى الحين في ذاكرتي
الدانه للشباب ((الدمام)) ؟
شارع السويكت((الخبر)) ؟
الحياة بلازا (( الدمام )) ؟
سيتي ماكس ؟
عندنا فرع في الاحساء
ويلاا بعد اقوول لكم المجمع اللي عندنا بسيهات مع ان مافيه شي بس يلاا مانكسر بخاطر سيهاات الحبيبه ..:p
الحطيبي ((سيهات))
في كان عندنا بسيهات مجمع البارجه حليوو بس سكرووه خسااره عليه ..
على فكره انا دائما اروح الدمام بس حق التمشيات في المنتزات وعلى البحر الوقت مايكفي يا السوق يا البحر
السيف(البحرين)؟
العالي ((البحرين))؟
البحرين -جيان ((البحرين))؟
اللؤلؤة ((البحرين))؟
مادري اذا انتوا البحرين عندكم اسواق متنقله ولالا ..:rolleyes:
ايي واذكروا لي الاسواق الشعيبه اللي عندكم بالبحرين ووين تصير بأي منطقه ..:confused:
انا سمعت عن هالاسواق بس مارحتهاا وودي ارووحهااا..:rolleyes:
سوق شرق ((الكويت))
الافنيوز ((الكويت))
المارينا مول ((الكويت))
سيتي سنتر ((قطر))
انزين يوم خميس و متوهقين تبوون شغله ضروريه من السوق اي مول تروحوون و تكونوا متأكدين انكم بتلاقوون كل اللي تبوونه و مو زحمه؟
أحسن سوق حق الفراره و قعدت الكافيهات و الأكل؟ << للشباب طبعاً
في سوق يذكركم بشخص معين؟ و ليش ؟
اطرف موقف صارلكم بالسوق؟ ابيخ موقف صارلكم بالسوق؟
وين تلاقوون احسن خدمه في اي محل موظفينه محببينكم بالمكان؟
احساسكم و انتوا رايحين السوق حزت التنزيلات و لقيتوون شي شارينه غالي واايد وصل 3\4 سعره شنو تسوون ؟
اخترتوا السلعه مثلا بلووزه او اي شي وانتوا مقتنعين فيهااا واايد وايي احد ثاني ويخرب عليكم يقول لكم مو حليوو ومايناسبكم ومادري شنو من هالكلام يعني شنو تسوون ترجعوونه وتبدلوونه او تخلوونه ؟
انزين شريتوون شي و قالوا لكم ماكو منه بأي محل !! ثاني يوم والا الكل عنده نفسكم!! ردت فعلكم شتصير؟؟
اذا شريتوون ملابس تحبوون تقايسوونهاا بالمحل قصدي بغرف القياس ولا تردون البيت تقيسوون؟
رحتوون السوق و لقيتوون شي عجبكم بس غالي تفروون تدورون نفسه بسعر ارخص او تريحوون عمركم و تشتروون من اول محل؟
لو كنتوا مقررين يوم كامل تقزروون بالسوق كم محل تدشوون ؟ و كمم تطولوون تقريبا بكل محل؟
دخلتوون محل وتتفاجأؤؤن انكم تطلعوون صوت((ستكر)) ( يعني مال اللي يبوقون ) شنو ردت فعلكم تصير وتعابير ويهكم شلووون بتكوون ؟؟
ايي صج سؤاال للشبااب خااص :confused:
تحبوون تفروون السووق مع حواء ولالا ؟
وشنو ودكم تسوون بحوااء اذا قعدوا بالمحل ولاطلعوا الا بعد طلعت الرووح ولاشروا شي من هالمحل ؟
المهم اللي عنده سواالف حق السووق ايي ويدردش ويانااا ..:p
يلاااا يابناااات همتكم بهالسوااالف اللي تحبوونهااا ..
ادري الله يعينكم عالموضووع فيه هذره واايد بس شسووي هوايتي التسووق والهذره :p
تحيــاتي القلبيه .. أختكم أنـــوار
اكمل لك بعدين لان النت يقطع هذه ثالث مره اكتب لك الاجوبه بس النت يخرب علي
العرض العادي
