[ابو محمد]

اخط احروفي لعيونك وهدباك
لان أدري الوفه طبعك وهدباك
اهد اركاض لو شفتك وهد باك
وراويك اشكثر اشواق بيه

تحياتي لاهل الشوق ومحبتي
ابو محمد

[ابو ياسر الكعبي]

اقتباس : المشاركة الأصلية كتبت بواسطة ابو محمد [ مشاهدة المشاركة ]

اخط احروفي لعيونك وهدباك

اقتباس : المشاركة الأصلية كتبت بواسطة ابو محمد [ مشاهدة المشاركة ]

لان أدري الوفه طبعك وهدباك اهد اركاض لو شفتك وهد باك وراويك اشكثر اشواق بيه تحياتي لاهل الشوق ومحبتي ابو محمد

حبيبي ابو محمد

احط اعيوني جدامك وهدباي

وأدب منك تعلمته وهدباي

ددليني اعله عدوانك وهد باي

اصيرنلك جسر وعْـبُر عليله

[ابوتكتم الخير]

تخط لعيونك عيوني حروفي
تهد والله أعرفنك حر وفي
أصيرن بس تكول إنته حر وفي
وأجيك شما يطول الدرب بيه
تحياتي

[روح الكلم]

الله من هالبشر كلها ولا عادله
ومن مال بيّه الحمل محّد إجه عادله
كبال الاحبة احترك وهو اشد عادله
ولا جن بشر يحترك داسو علية اوعدو
محبوب الكم جنت ماجنت الكم عدو
مظلوم لمن صحت كلهم علية عدو
موتو كلبي الوفي والمات شيعدله

[ابو ظاهر البركي !]

رغم نار الصبر بينه بردنه
الوكت مبرد وبسنينه بردنه
الاخذ مني العمر كله بردنه
يناوشني السلام ومن عليه


ابو ظاهر البركي

[ابو محمد]

نور عيوني ابو ياسر

أديب وادبك دينك وهدباك
اروحن فدوه لعيونك وهدباك
اهد بحروفك اتكفّه وهدباك
تصير الدنيه كلها ابين اديه

[ابو ياسر الكعبي]

اقتباس : المشاركة الأصلية كتبت بواسطة ابو محمد [ مشاهدة المشاركة ]

نور عيوني ابو ياسر أديب وادبك دينك وهدباك اروحن فدوه لعيونك وهدباك اهد بحروفك اتكفّه وهدباك تصير الدنيه كلها ابين اديه

حبيبي ابو محمد

أديب وأدّبك دينك وصل لاك
عِگدته ابنبض شرياني وصل لاك
مو حرفي جرح گلبي وصل لاك
زحف ويريد إلك ياخذ تحيه

[سفينة البحار]

الى كل غالي


كلبكم حضرة اتشرف وصل بي
وسلمت الكلب الكم وصل بي
ماهمني حرك جسمي وصلبي
المهم ترضون يا خوتي عليه

[ابو ظاهر البركي !]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

الى كل غالي كلبكم حضرة اتشرف وصل بي وسلمت الكلب الكم وصل بي ماهمني حرك جسمي وصلبي المهم ترضون يا خوتي عليه

انشدك كلبي هم شفته؟وصل لك؟
تكطع امس بغيابك وصل لك
مروتك لو وصل فجه وصل لك
تلكه اسمك يشع وينور ضيه

تقبل مني ارتجالي

البركي

[ابوتكتم الخير]

شكثر لجلك دموع العين سالت
وبس إنته عليك الروح ســالت
تعال بساع موش الروح سالت
البخت والنايبه دارن عليه