[ابو ياسر الكعبي]

الوجوه الناعمه التُضرب كللها
واملاك الارض چانت كللها
التُرُب والدود عگب العِز كللها
ذرّات إصْبَحَت حَدر الوطيه

[سفينة البحار]

داي وداي يتبع داي ورداي
وانه كاس الصبر ياناس ورداي
ذبل عودي وتغير لون ورداي
وثوبي من الخلك ساتر عليه

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

داي وداي يتبع داي ورداي وانه كاس الصبر ياناس ورداي ذبل عودي وتغير لون ورداي وثوبي من الخلك ساتر عليه

سفينة البحار
بيتٌ ولا اروع

اقول مجاريا للبيت

یمَن عودك حِناك وذِبَل ورداك
ماصابك إبْـنَصله السهم ورداك
اذا كاس الصبر بالصبر ورداك
وردني الدهر كاسات المنيه

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

داي وداي يتبع داي ورداي وانه كاس الصبر ياناس ورداي ذبل عودي وتغير لون ورداي وثوبي من الخلك ساتر عليه

سلمت يداك سفينة البحار
بيت ولا اروع

"

واقول مجاريا

یمن عودك حِناك وذبل ورداك
مالاحك ابنصله السهم ورداك
اذا كاس الصبر بالصبر ورداك
وردني الدهر كاسات المنيه

[سفينة البحار]

اطال الله بقاءك المبدع ابو ياسر الكعبي
واقول مجاريا بيتك الرائع.....

مكتوب الحزن والهم وردني
ومن عين الهضم دهري وردني
بردني امسح دمع عيني .. وردني
من كثر الدمع مطرت عليه

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

اطال الله بقاءك المبدع ابو ياسر الكعبي واقول مجاريا بيتك الرائع..... مكتوب الحزن والهم وردني ومن عين الهضم دهري وردني بردني امسح دمع عيني .. وردني من كثر الدمع مطرت عليه

الله الله الله

رائع جدا
ابقاكم الله

أقول مجاريا شذى بيتك:

الوطن دگيت بابه منّه رَدني
وأنه افْديته بوجودي من اردني
ردنك دمع مطرت ماني ردني
امطرت دم وتِكِت وتذوب هيه

[سفينة البحار]

ولعطر بيتك الرائع جدا جدا جدا
اجاري ولا اكاد اصل لجرف بحر حروفك
فاقول:
انه المايوم باب الحزن ردناي
عزف لحنه على عودي وبيه رد ناي
الحزن طول العمر شو لزم ردناي
مثل لزمة طفل ليدين ابيه

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

ولعطر بيتك الرائع جدا جدا جدا اجاري ولا اكاد اصل لجرف بحر حروفك فاقول: انه المايوم باب الحزن ردناي عزف لحنه على عودي وبيه رد ناي الحزن طول العمر شو لزم ردناي مثل لزمة طفل ليدين ابيه

على العكس تماما جاء بيتك
بالصميم

أنه البعضي ايْتَحاسد حزن بعضاي
وگـطـَّعت الأنامل صبر بعضاي
صنع اوتار صبره الصبر بعضاي
خلص صبره ويفيض الصبر بيّه

[ابو ياسر الكعبي]

هموم الكون كلها بضعه مني

إخِذ گلبي يحزني بضعه مني

مُحمّد گال فاطم بضعه مني

ياذيني الّذي ياذي الزچيّه

[ابو ياسر الكعبي]

إشتظن تدرك يواهم قطره حجمي
وأنه امن الناس محَّد قطره حجمي
إذا عينك تشاهد قطره حجمي
محيطـات الوفـه تِسْـتِدل بيّه