[زكي الياسري]

يمن انته النبض والـــروح ودّاي
اشوفنك ولو بالطيــــــــــف ودّاي
واْريــد أتبادَل آنه اويــــــاك ودّاي
مثل قيس أويـــــــه ليلـه العامرية

[سفينة البحار]

داي وداي يتبع داي ورداي
وانه كاس الصبر يا ناس ورداي
ذبل عودي وتغير لون ورداي
وثوبي من الخلك ساتر عليه

[ابو ياسر الكعبي]

جفن ودّي الودادك منسا كتّه
وصالك گطع حبلك من سكّتّه
سكت صوت المودّه من سكته

سكت حتى العتاب ولاذ بيه

[ابو ياسر الكعبي]

تنيت وغيرك حزنك همّه شتني
ابعدت ودروب وصلك هم مشتني
سراب اويا الهوامش همّشتني ..؟
غفل تجفي وتسد بابك عليه .

[سفينة البحار]

غفل تجفي وتسد الباب عناي
وانه الجدمي الك كل وكت عناي
اجيت اعزف لحن فركاك عالناي
الناي من الحزن مات باديه


تحيــــــــــــــــــــــــــــاتي

[زكي الياسري]

تعال وشوف دمعــي إنـ ـتِفاضه
عِلنها ابسبب هجرك إنتـــفاضه
دصير الطور حزني انتـ ــفاضه
وامسح بالوصل حزن الّــي بيه


تحياتي للاعزاء المبدعين

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

غفل تجفي وتسد الباب عناي وانه الجدمي الك كل وكت عناي اجيت اعزف لحن فركاك عالناي الناي من الحزن مات باديه تحيــــــــــــــــــــــــــــاتي

تسد بابك عَلَيْ شبطاك شَلهاك

هجرك فتّحالي اجروح شِلهاك

أكابر مَنْتَخيت وگلت شلهاك

وي همّك شِلت همي العليّه ؟

[الروح]

أون وحدي وعلى دروبك أنا شد
يمن تكطع حبال الود وأنا شد
ابعدت عنك ولا أسأل واناشد
بعد كافي سكيت الروح أذيّة

[الروح]

كطع كلبي وصالك وانتَ داري
وأشد تدري بغيابك وانتَ داري
اضل اسكن براري وانتَ داري
وتعلك لافتة للبيع بيّة ..؛

[البدري14]

شد جرحك براس الخيط والمه
وبالك من يمر شامتك والمه
الما يدري بعذاب الجرح والمه
يضن لنك تحن من غير اذيه