وهذه لمسه من لمساتي بحق ولادة الأمام الحسين (ع)
اسأل الله القبول
*********************
على الفطره --- على الفطره --- حبينـاك يحـسيـن
على الفطره --- على الفطره --- ماشفناك بـالعيـن
بنص الگلب حسيناك
عايش وأحنه حبيناك
على الفطره --- على الفطره --- حبينـاك يحـسيـن
********************
يحسين المحبه فـنـون يابـو فـنـون
وأحنه بهاي حبيناك حب مجـنــون
ساكن بالگلـوب وشالـتـك لعـيــون
على عناد العـواذل خلهم شيحچون
نذر عمره --- نذر عمره --- كل مخلص يوافيك
نذر عمره --- نذر عمره --- وأكثر بعـد ينـطيـك
بنص الگلب حسيناك
عايش وأحنه حبيناك
على الفطره --- على الفطره --- حبيناك يحسين
*******************
من أصل الوجود ونطـفـت البـيـنه
رضعـنـاها محـبـتـك من تغــذيـنـه
ولهــذا السبب يحسـيــن حـبـيــنه
شخـصك يبو اليمه وألك ضحـيـنه
كبر أجره --- كبر أجره --- كلمن يسعي مسعاك
كبر أجره --- كبر أجره --- يحـسيـن اللي والاك
بنص الگلب حسيناك
عايش وأحنه حبيناك
على الفطره --- على الفطره --- حبيناك يحسين
**********************
يالفـجرك محبه وصوتك يضل صوت
هـدم چم عـرش وأنرجم چم طاغوت
من طين البشر بس انته من ياقـوت
ولهــذ نـضل ويــــاك حـــــد المــوت
على الجمره --على الجمره --لجلك أحنه ماشين
على الجمره --- على الجمره -- نبقه وياك يحسين
بنص الگلب حسيناك
عايش وأحنه حبيناك
على الفطره --- على الفطره --- حبيناك يحسين
*****************
مجـنـونيـن بيـك وتسري وي دمنـه
وبس حضنـك الـدافي سيدي أيلمنـه
غــذانـه أبـونه أمحـبــتــك وأمـنــــه
وصار أسمك حرز ويزيح كل همنه
على الفقره --- على الفقره --- يل خادمك جبـريل
على الفقره --- على الفقره --- صار أسمك قناديل
بنص الگلب حسيناك
عايش وأحنه حبيناك
على الفطره --- على الفطره --- حبيناك يحسين
*******************
تحياتي رياض الرسل
يامن تحب الأمام الحسين (ع) اليك قصيدتي ادخل هنا
العرض العادي
