[سعد مطلوب]

((ظعن الجود ))

ظعن الجود طب كربله ... من حسين صوت أعتله
بهـــاي الأرض مثـوانه ... بيهــــا تفيض أدمانـــــه
من حسين صوت أعتله
************
نـاده أبواليمه عليتـه وفرســـــــــان غالب
بهـاي الأرض نكتب مجــد هالأمر واجب
ونطيــــح صـــرعه بنينـوى مثل الكواكب
تروي دمانـه بكَل فخـر ســـــوح الحرايب
للحگ نِصَب ميزانه ... وبچفه خط بســمانه
ونحطم قيــــود الملّه ... من حسين صوت أعتله
************
بهاي الأرض يهل الشــيم حطو المحامل
خبـرني جــدي المصطفى بيها نقـــــــاتل
والـروس بيهـا تـرتفع فوگ العواســـــــل
وأطفالنه تمشي بيســـــــــر ويــه الأرامل
عالنهر يصفه لوانه ... والباغي شب نيرانه
هالكَوم للحق جـاهله ... من حسين صوت أعتله
************
نادو أنصــار الغانمـه فد صوت عيناك
للتضحيـه أخذ النَفِس يحســــــــين وياك
ميهمنه كد ماحشـــــــــدو بدمانـه نفــداك
بكَل نايبه يبن الطُهرســــــورألك وحماك
وين أيزيد وعوانـه ... نهدم عرش سـلطانه
هالبيعـه بيعـه بـاطله ... من حسين صوت أعتله
************
توضّح لبواليمه الأمرمن صوت الأنصــار
عازم يخوض المعـركه بكل زود وأصرار
للديـن يحفظ هيبتـه يــرفعله شـــــــــــــنيار
يكشـف الطاغي وزمرتــــه يمحي هالافكار
بيهـا يتم مســـــعانه ... يثبت نهِج قُرآنـــــه
أنصاري صفوت مرجله ... من حسين صوت أعتله
************
باچــر يأنصـار الأبه بكربله المصــرع
نكتب أبصفحات الزمن هيهـات نخضـع
نحفظ الديــن أويـــرتفع وأركانــه ترجع
بارينـه صدر هالأمر واجبنـه نســــــمع
هالأمريحفظ شــانه ... وبدمنه تعله أركانـه
عالهادي ربنــــه منزّله ... من حسين صوت أعتله
************
بالدم نغيّر للبشـــــــــــــر للحگ طريقه
ونوضح بدمنه الجــــــــره هـاي الحقيقه
شلسـبب طحنه عله الثـره بهاي الطريقه
لوســـئل ســـــــائل يكتشف أصل الوثيقه
بيها أيعرِف ممشانه ... مايزل عن مسرانه
يصعد أويـانــه القـافله ... من حسين صوت أعتله
************
بقلم / ســعد مطلوب الخفاجي

[الروح]

نعم هي كربلاء العطش أظماها..
فتاقت لترتوي من نحرِ الطُهر ..؛
فتفجرَ النحرُ قوافل نورٍ تروي الكون..
سيدي سلم مدادكم وعظم الرب أجوركم
إمتناني جزيتم خيرا

[رآحيل]

بارك الله فيكم وجزاكم خيراً’’
وعظم الله أجوركم في هذهِ الأيام المحزونة’’
لنزف قلمكم تحية بحجم الحزن’’’

[سعد مطلوب]

الاخت الكريمه
الروح
اختي العزيز اسعدني وشرفني مروركم المبارك واطرائكم الكريم
تمنياتي لكم بالموفقيه .

[سعد مطلوب]

الاخت الكريمه
اسرار
اختي العزيزه عظم الله لنا ولكم الاجر بمصاب سيد الشهداء (ع)
شرفني مروركم الرائع خالص شكري وتقديري تمنياتي لكم بالموفقيه .

[سعودي شرقاوي]

مأجورين
وفقكم الله لكل خير

[سعد مطلوب]

الاخ الكريم
سعودي شرقاوي
عزيزي الغالي خالص شكري وامتناني لمرورك المبارك تمنياتي لك بالموفقيه .

[ثورة الحسين]

سلمت الانامل على ماخطت

[سعد مطلوب]

الاخت الكريمه
ثورة الحسين
اختي العزيزه تسلمين على هذا المرور الرائع والاطراء المبارك
خالص شكري وامتناني تمنياتي لكم بالموفقيه .

[رياض الرسل]

طيب الله انفاسك
موفق موفق