كل اهـل السمـه والارض مفجوعـه
و گلب الكون كلـَّه همـومه مجموعـه
***
صوت الفاجعـه بچبد السمه يـدوي
وضج بـالنوح گلب العـالم العلـوي
وجـروح المـلائک للخـبـر تـروي
ورايـات الحـزن للحسن مرفـوعـه
***
رايـات الحـزن شايـلهـن اسـرافـيـل
ويـم جسم الحسن ينـتـحب ميکائـيـل
وبصـوت الظليمـه يصيـح جبـرائـيـل
السماوات إعله جسم الحسن مصروعـه
***
الشداد العاليات إعله الجـسـد طاحـت
وأفـلاک السـمـاوات السبـع سـاخـت
عجيـبه الارض باهل الارض ما مـادت
وساگ العـرش نـار اشتضت دموعـه
***
بـالسم الحسن لـو بالصبـر مسمـوم
چم لوعـه کضمهـا المجتبـه المـظلـوم
تجلَّـه صبـره صبـر الـواحـد القـيَّـوم
وحِمل جمر الغصص والهظم بضلوعـه
***
بضلوعـه حِمـل لوعات کـل الـديـن
وبصبره انحفض چف عالم التکـويـن
بجهاده الاکبر إتمهـدَّ خلـود حسيـن
بفکر نهجه الرسالي ارتسم مشروعـه
***
مشروع الحسن غـيَّـر مسـار الکـون
وبصلحـه انکسر چم ظالم وفرعـون
إمام وعصمته سر بالعـرش مکنـون
بروحه النور من النـور موضوعـه
***
نور الحسن من نـور النبي المُختـار
ونفس النـور جسَّد حـيـدر الکـرار
وهـالاسرار معـدن خـازن الاسـرار
بحکمة خالـق التکويـن وبطـوعـه
***
ابو ياسـر الكعبي
صوت الفاجعه
العرض العادي
