هذه القصيده اهديها الى أمير المؤمنين (عليه السلام ) والى صاحب العصر والزمان (عجل الله فرجه ) واهديها الى العلماء العظام الاحياء منهم (دام الله ظلهم ) والاموات (وقدس الله سرهم ) واهديها الى روح والدي ......
هذه القصيدة للشاعر ايهاب المالكي
انا اعوفك يا علي بس بشروط الكة واحد مثلك الينخاه مجاب
وكون نايم ليلة بفراش الرسول وكون قاتل مرحب شالعلة باب
وكون اذا مات النبي وما بايعوه ما يجر اسلاحة ميسوي انقلاب
وكون من يصير امير المؤمنين مو براتب يشتغل بس للثواب
وكون شاغل كرسي مو مشغول بيه مو مخلينة فقط يملي النصاب
ياعلي شتسداهد الكالك بديل يكدر يرد الشمس وكت الغياب
انت سر القوة عند المسلمين بغيرك يضل اعزل ابين الذياب
ياترف لمن تجي كبال الضعيف عكس سيفك من يمر فوك الركاب
الله من انطة اليحبونك جنان لازم انطة المايحبونك عذاب
انت محد صورك تطعم يتيم لاجرايد نشرتك تكسي الثياب
منو اليعرف بيك من تنطي الفقير الله يدري وجفك ويدري النكاب
البيه تراب وضال ماجيستة ايد يعني محد رايدة وبيه شي يعاب
وانت يا ابو تراب عكس الفكرة هاي سر محبتك يكمن بهذا التراب
منو مثلك حتى رايك عندة عين وجانو يلقبونهة بعين الصواب
الحاربك ما قاري صفحة من الكتاب جا شسوالك اذا قاري الكتاب
انت بالمحراب من تهوة وتطيح باجر ترد توكف بيوم الحساب
ما نتيهك واضحة اوصافك اكيد زايرينك ونعرف لون القباب
وحتى اذا تيهنة هم نسئل عليك ماكو حيدر غيرك وصاحب مصاب
بسم الله الرحمن الرحيم
السلام عليك يا وليد الكعبة المشرفة..
بوركتَ الايادي
واهدي اليك هذا الدارمي بقلمي بمناسبة ولادة الامام علي (ع)
ـــــــــــــــــــــــــــــــــ
للضربه ميثني حيدر الكرار
واخت بن ود هاي تحجيلك اصار
____________
قـــصــــيدة عن أمير المؤمنين (عليه السلام)
العرض العادي
