[ابو الحق]

يا شعب العراق
يا شعب العــــــــراق من الازل وانت بهالظلم والجــــور = كضيــــــــت العمــــــر كله وانت معَصـــــب ومقهـــــور
كل شــــــــعوب العالـــــــــــم نلـــكاها تبـــــــني قصور = بس انت الوحــــــــيد البـــــــيك تــــــــزداد القبــــــــــور
يا شعب الوطن تاريــــخك من القدم على الورق مسطور = وتاريـــــــخ غـــــــــيرك عالرمـــــل يمكن جان مذكور
يا شعبي من زمان وانت بالحضارة والعلم معروف مشهور = وغيرك صار عنده علم وللاقمار كــــام بفلكها يـدور
يا شعبي كضيت الدهر وانت منحني ومكسور = تحســــب فد يوم تصـــــــفالك الدنيـــــــــــا وتعيش بفرح وسرور
يا شعبي جتك ذياب ووحوش جانت خاتلة بجحور = استلمـــــــــت حكم وكعدت عل الــــكراسي وبرزت الصــــدور
يا شعبي غريب اليـــــحكم وانت صاحب البيت مغدور= زورو شهادات وكــــــــام بعضهم لبعض ينادي دكتـــــــــور
يا شعبي لشوكت تغفه وحواليك ناطره جلاب ونسور = كلـــــه تريد تنهش لحمك وتتركك عالطريق مذبوح مشمور
يا شعبي اجاك المحتل بدبابات وطائرات وجيش مأجور = اجـــــــاك عالنفــــط هايج جنــه ثــــــــور برمح منحـــــور
اجاك وخرب كل البنيته بسنين ودهــــــــــــور = وانــــــت تبـــــــــاوع ياهـــو وياك وياهــو ضـــدك منذهـل مبـــهور
لكينه السياسي خاتل ببيت بالخضراء وحواليه حدائق وزهور=والعراقي حاير بحاله وما عندة عجينة خبز للتنـــــور
يا شعبي عليك اتفق المحتل والسياسي بحلف منشور= انت تبقى كادح وهو ينهب مالك ويدزه للخارج بسفن وبحور
يا شعبي هم حسبت فدم يوم تصفالك وتعيش بسكن ودور= اصحــــــــى من نومك وشوف الوطن جاي ينوكل بقشور
مسكين الشعب كل همه الماي والكهرباء والنور = وعصـــــابات الغدر قسمت الوطـــــن وما ظـــل بيه شبر مستور
خطية الشعب مصدك اعلام السياسة سنين وشهور = سبع سنين انكضت ولا شفنه خدمات ولا امن ولا وطن معمور
جذب بجذب السياسة دوم يواعدونا بتحسين الامور= ويوميــــــــــــا العراقي على النفط والغاز نلكاه واكف بطابـــور
يا شعب العراق اصحى من نوم الضحى صرت انت كبش منذور= باعوك انت والوطن ودمك انشرب بكأس مفطــــور
يا شعب يا مسكين اصحاب الكراسي محوطة بكومة حماية وسور=وانت صاحب الارض ما الك مكان ودمك بكل كتر مهدور

بقلمي ابو الحق

[الروح]

ابو الحق الفاضل
اخي الكريم اختلف معك في مضمون القصيدة
فهناك من الساسة العراقيين من يحمل هموم الشعب
وفيهم الشريف والنزيه الذي ليس بحاجة لشهادة مزورة وغيره
ونعم هناك من هم عكس هذا تماماً
لكن لن نيأس هذه الحكومة نحن انتخبناها ونتمنى ان تتحسن الأوضاع على يديها
ولا نريد العودة لنظام البعث المقيت

تحياتي ايها العزيز

[ابو الحق]

اؤيد ما تقول شكرا لمرورك وملاحظاتك

[رياض الرسل]

السلام عليكم

ابو الحق


موفق على هذه القصيده الرائعه
دمت بكل خير


رياض الرسل