[رحيم الحسناوي]

شبل الحسن بالمعركه شال الكلافه بعمره

ـــــــــــــــــــــــــــ

شب جالبركَ يوم انتفض بالحومه..سَرّ الحسن يوم المحن بعلومه
طلعة ملك يسحر جمال رسومه..وجهه البدر من بين اخوته وكَومه
امّه لطلعته معذبه ومهمومه..ضلّت تجر ونّه وتلوج بحسره


من شد على جيوش الحقد مال العين..نضرة الم صد بيهه لعيون حسين
صاح السبط وحده وتريده الصوبين..وينه الفحل راعي الشدايد بحنين
يفزع يرد حكَ الاطايب والدين..كَلب العقيله بجف يمينه يجَبره


طب عالشدايد وانتصر راعي الزود..ماحدّت سيوف الحقد منّه حدود
كَال الصبر وكت الشدايد مريود..لابن الزجيه الفايز بعمره يجود
ماضن بعد يمه العمر بينه يعود..ابنج خلص ويه النواصب صبره


كَال الرمح يبجي على شريان عداي..سالت دماهم خل يكَطعون الماي
لابن الطهر ناذر نَضر ويه جلاي..تشهد عليه اهل الارض ويه سماي
عشكَ البكَه بنص الجيم بيَّه الداي..ابن الزجيه الكَلبه ضل جالجمره


ابن الحسن اَنه العده يعرفوني..رايه بضلام الموزمه يسمّوني
اَنه اليميني بلا رحم يدروني..تفدي الزجيه وكل ولدهه عيوني
دمعاتي جرحن يا علينه جفوني..عالضل وحيد بلا نصير محيَّر


عالي الحسين ويبكَى تاج على الراس..وافدي العمر لاجل الطهر والانفاس
راية علينه بجف يمين العباس..راعي الشجاعه البالشدايد مقياس
دكَّتله بارض الغاضريه الاجراس..يوم اليناصر بيت اهلنه تعذر
رحيم الحسيني الحسناوي

[رياض الرسل]

السلام عليكم

حبيبي الغالي
رحيم الحسناوي


موفق على هذه الكلمات الرائعه
الله لايحرمنا منك ابد

رياض الرسل

</b></i>

[حبيبة الحسين]

مشكورين لهذا المجهود الرائع
بارك الله بكم