رسول حسين بلكوفه .....يحيدر ريتك إتشوفه
انسحب بحبال .....شوصف الحال
..............................
وصل مكتوب من عدهم .......جميع الناس.....تطخ الراس....إلك هلبيعه من عدهم
إلك أنصار تعهدهم......تسل سيوف......عهد معروف......تريد اليوم تأمرهم
أبوك الحيد يعرفهم......عهدهم دين....إلك يحسين...بسيوف الكوفه تحصدهم
صحت أنصارتخبرهم ...كتاب الكوم ...وصل هليوم...تريد الكوفه ننصرهم
شفت أنصار ملهوفه تريداتساعد الكوفه
رسلت مرسال شوصف الحال
**********************
يمسلم ناده إبن حيدر...... تروح اليوم ... ..تلم الكوم ... يكله خادموتأمر
إخذلي البيعه وتحذر.......تراها تخون.....حقد مدفون..... غدرهم بيك يتكرر
يكله حسين خويه إبشر....لعد عيناك ....يخويه وياك ....عله حر السيف نتصبر
رحل والعين دم تمطر....يخويه فداك ....صعب فركاك.....ويشوف إبنيته تتحسر
وحميدهتقبل إجفوفه......يبويه حسين لتعوفه
وتشدله إرحال .....شوصف الحل
**************************
شفتها الناس تتطلع .....تدير العين ....لرسول حسين ....تريد بوجه تتمتع
وراه الناس من تركع ....تصف اصفوق...ودمع مذروف ....بعيون الناس منتخشع
غراها المال والمطمع ..تعوفه وحيد ....يصك الأيد....التفت لن هاني يتوجع
يكله وعينه بلمدمع ....تفيض إهموم ...بكلب مهضوم ....غدر من عدهه نتوقع
يكله وتاهت إحروفه ........بغدرهه الكوفه معروفه
يهز اجبال .....شوصف الحال
***********************
خرج بالليل يترقب ....يدير العين ....يبو الحسنين ....وهو بالحال يتغرب
يدك يا باب يتهيب ... .عليه اعيون...إلهيرصدون... عن الأنظاريتغيب
طلب منطوعه مي يشرب...تنشده إمنين...رسول حسين...يكله وطوعه تتعجب
يكله الأصعب واغرب....بلايه معين ....هلي بعيدين ...تسمعه طوعه إتنحب
وطوعه فهمت اظروفه .....تهل العين مأسوفه
وتخون رجال.......شوصف الحال
اهدي هذه الكلمات(رسول الحسين)إلى سيدي ومولاي الأمام مسلم إبن عقيل (ع)
وأسأله أن يسجلها في سجله بأسم أخي وعزيزي
الشاعر(مسلم القاسمي)
ونسأل الله القبول
ابوتكتم الخير:منتدى الشعر الشعبي
ابوتكتم الخير:المنتدى :منتدى الشعر الشعبي
العرض العادي
