[شجر الاراك]

:: حلم مذبوح ::

على عيونج يزينب حلم مذبوح ........ كل عينج دمع بس ما بجيتي

بچيتي جروح طهرتي المســـافات ....... كل خطوة يسر منبر بنيتـــي

يا هيبة علي دخلت على يـــــــزيد ....... خورزتي الزلم و اتسيديتـــي

نظرات الزعل بعيونج ســــــيوف ........ ذو الفقار صوتج من حجيتي

سفينة هم سريتي ببحر الدمـــــوع ..... على ساحل مصايبهن رسيتي

اسمحيلي يزيـــنب اســـأل الـــــيوم ........ انتي هـــواي من اتحمليــــتي

لأن مجـــبور اسألــــچ عــاليأذيـــچ ......... ..و ادري بيا مكان اتألميتـــــي

اسألــــچ يالغريـــبة و چلـــچل الليل ......... و حارس للحرم انتي إلبقيــتي

اشوفچ چان بيدچ معصب يلــــــوح ......... احلفچ بالضلع إلمن نخيتــــــي ؟

نخــــيت إلكافلج مقطـوع الزنود ........... معذورة لأن وحدچ صفيتـــــي

مشيتي بغير طولچ خاف ينشـــــاف ......... ضم روحه النهر لمن مشيتـــي

كل جـــــرة نفس ويـــاها عــــــباس ........ لاچن من وصلتيله اشلكيتـــي

غمضها السهم وحدة من العــــــيون ........ بس الثانية اتشوفچ اجيتــــــــي

صفت انتي وكفيلـــــچ محد ويـــاچ ......... مسموح العتب لو عاتبيتـــــي

شكلتيله يزيـــنب قوم ويــــــــــاي ........... وياه جلمة عتب بيها ابتديتــي

اشكلتيله يزينب وين الوعــــــــود ........... مو انت إلكلت قومي بحميتـــي

عمود البيت انت الشايل البيــــــــت ......... تدري من يطيح يصيح بيتـــي

شكلتيله يزينب قوم ويـــــــــــــاي .......... من شفتي الزنود اتعذريتـــــــــي

صحتي بشاربك آنه يعبـــــــــــــاس........ ما رف شاربه من حشميتـــــــــي

راويتي يزينب زركة المتـــــــــــــون .......... لولا بسهم عينه التهيتـــــــــــــي

لو مديتي ايـــــــدج تلـــــزم الايـــــد ......... من شفتي الزنود اتعذريتــــــــــي

كلتيله الخدر يا ابــــا الفضـــــــــــــل راح .......... حركوا خيمتي و طبوا ثنيتي

كلتيله صحت وينك يعبـــــــــــــاس ........... يضحك شامتج و اتسلبيتــــــــــي

كل هذا الحچي ما ينهض ويـــــــــاچ ........... كمتي بيا جرح من أيسيتــــــــــي

على طولج جرح لمن تكومــــــــــــين ........... مثل حسين من كمتي انحنيتـــــي


رجعتي إلمن رجعتي بس الايتـــــــام ................ يسألونج يعمة شو بطيتـــــــــــي

اعرفج بت علي كد هاي الاحــــزان ................... مثل عباس يا زينب وفيــــــــــتي

نعم فوك الهزل و الرووس ويــــــاج .............. نعم عكب الخدر ذاك انسبيتــــــي

بس الكل تشوفج اسد مجـــــــــــروح ............ كلها اتميل عنج لو مشيتـــــــــــي

اعذريني يزينب لا تزعلين .................... و آنه بدمعتي اتبين هويتي

:: للشاعر السيد عبد الخالق المحنة

[الشاعر حسن خليفه]

اللهم صلي على محمد وال محمد

والحمدالله على نعمه الايمان وبر كه الولايه

قصيده رائعه ولائيه الحروف ايمانيه المعنى

بارك الله بك وجعلك من اتباع محمد وال محمد

صلوات الله عليهم اجمعين

وتقبل مروري المتواضع

خادمكم الشاعر

حسن خليفه

تحياتي

[رياض الرسل]

السلام عليكم



اشكرك على نقلك لهذه القصيده
وجزاك الله عليها خير الجزاء

دمت للجميع

رياض الرسل