[القلب الاسير]

الكعدة


شهرك يا عاشور مصابي ..... احمر لونك ذاك


يالوكتك ياخذ احبابي ..... احمر لونك ذاك


بعيوني ايامك مرسومة .... ياشهر الضيم ومختومة


احمر لونك ذاك


ياشهر عاشور ابعد خلي أيـــــــــامك بعيـــدة


خلي روحي اتعد حزنها تودع ايامي السعيدة


وانه ادري بجور همك للحســــــين بدم وريدة


ولطفالي هم لا ماتحن .... يالوقعت دمع اليون .... خليها مطبوكة الجفن


وتتهنى باحلام الجديدة


تتهنى اتريد وتتامل .... ابعد اترجاك


ياظالم ريتك لو ترحل ..... ابعد اترجاك


أيامي بحزنك مهمومة ..... يا شهر الضيم ومختومة


احمر لونك ذاك


اه ...ياروحي العزيزة بين الضيم ومصابة


انكتب بدموعي صبراً والقدر وقع كتابة


واضح التاريخ حقق كل وعد للنبي جابة


الجدنة ثابت كل وعد ..... شهر الحرام البي رعد .... دين الرسول بدمصعد


نحر اخوي ودم خظابة


ورايات الدين بدم نحرة ..... ها يالعرش هاك


وجروحة الايات التقرة .... ها يالعرش هاك


من حسين جروح دمومة ..... ياشهر الضيم ومختومة


احمر لونك ذاك


بينه مجمورة المصايب مدها جف البين الية


يرسم ابعاد المأسي بلون دم الغاضريـــــــه


طاهر اِطهر طهارة من عرش رب البريـــــة


وبينه الزمن فر فرته ..... وياخذ حزنة الضحكته .... وروحي اعلى صبري شدته


زينب انه الهاشمية


وحبال الهم بي ممدودة ..... من ضيم الوياك


مختومة اعلينة ومحدودة .... من ضيم الوياك


وملمومة ايامك مضمومة ...... ياشهر الضيم ومختومة


ياشهر ربع مصابك بَين ابهم ارتجالـــــــــــه


والشمس عاينها تلكة صَوِرَتْ جدي وي الــــه


عيون بيها دموم تنزف رسمت الواح ابتهاله


لحسين ابن خير العمل .... يواسي دمع عين الاهل .... بدموع يبنيها الامل


عالعرش راية كمالة


اترف اعلى الدين اباياته ..... واترف فوك سماك


من دم حسين وحملاته ..... واترف فوك سماك


منصورة ايامة ومهظومة ..... ياشهر الضيم ومختومة


احمر لونك ذاك


يا الم يهدا اعلى جورك والجرح لا لا ميشفــة


ويامصيبة اتلوح يومك والمصايب بيك كلفـــة


كلهة مرسومة اعلى بابك لا ابد ماصار صدفة


من عالم الذر اعرفت ..... بعيوني كلها اني ارسمت .... ايام جورك هم شفت


كلها ملتمة اعلى طفة


بحسين الضامي واطفالة ..... حديت انت الواك


وشبيت النار اعلى اعيالة .... حديت انت الواك


ومسبية ايامي ومهمومة ...... ياشهر الضيم ومختومة


احمر لونك ذاك


وهذا كلب الهم تحزم بالصبر روحــــــــي صغتها


والدرع حيدر علينه وعيني بايمـــــــــاني شلتها


الدمعة من تجري اعلى خدي لمي صارت ما عفتها


وكربت علية مصيبتي ..... وكربت علية مصيبتي


وحد الدهر طف لوعتي ..... وكربت علية مصيبتي


ومسبية ابقى ابغربتي ..... وكربت علية مصيبتي


والنصر بالراية يعلا يهدم جيوش ال امية


................اللطم...............

الحزن عاشور جابة .... من دهر مد جف مصابة


العترة الهادي الرسول .... واتلاوة وي ضلع البتول


من دهر مد جف مصابة


اودعج يالزجية بعين همالة.... هل عاشور والله وبين اهلالة


وتحزم كلب ابو السجاد بامالة .... وشد غيضة الوكت ركضهن اكبالة


وتعنه الكربلة ضعنه .... وسمع لارض الغدر ونه


اوضح النص بكتابة .... من دهر مد جف مصابة


وصلنه ارض المنية وحدت انه سيوف ..... وانرسمت صورها ومن كبل ماشوف


شفت انصار اخوي حسين يمة اطوف .... وشفت اطفالي كلها بخيمة ارض الخوف


وخيم بالنار محتركة .... وشفت اطفالي متفركة


والنهر بالدم خضابة .... من دهر مد جف مصابة


مشت بينة الليالي وجم شمس غابت .... وضماير حيا ابد ماضلت وماتت


ماشمت ابد عطر النبي وهادت .... لبست للخيانة وجوه واندارت


وعادوا الدين وامامة .... وانتصر باحلى ابتسامة


وحنة دين الله اعلى بابة .... من دهر مد جف مصابة


شفت نهر الفرات انطبكت جروفة ..... وذبل ماي الندم بي باقي ويطوفة


الوفة العباس سبع الكنطرة يشوفة ..... لان لحسين قدم عينة وجفوفة


وفة لم حسين وامه .... والعذر خطة اعلى دمة


والقدر ضمة ابترابة .... من دهر مد جف مصابة


رفع راسة واخوته اعلى الرمح صاية .... ورتل دمة ابو السجاد جم اية


ولم جروح جسمة وجانت الغاية .... يم جدة النصر راسة يرف راية


بالفخر دين الله نادا..... ثبت حسين العبادة


أتخلد الضامي انتخابه .... من دهر مد جف مصابة

@@@@@@@@@@@@@@@@@@@@@@@@@@@@@@@@@


خادم اهل البيت ع


الاقل


احمد رفيش

[كريم السعبري]

الكبير الكبير احمد رفيش
انثر درر ونحن نلتقطها وتتحفنا بها شئت ام ابت
فاسائل الله ان يوفقك بحق زينب والحسين
ولايحرمنا ابداعك بحق محمد وال محمد
اخوك السعبري

[القلب الاسير]

اخي وعزيزي المتالق السيد كريم السعبري
لك جل احترامي وتقديري ايها المبدع
شكرا لمرورك وتعطير صفحتي بعطر الولاية
وتأطيرها باطار المودة الفاطمية
لك جل احترامي وفائق امتناني وتقديري
الاقل
احمد رفيش

[سفينة البحار]

الكبير الرائع احمد رفيش
لقد صبغت قلوبنا وعيوننا بلون الحزن
فهنيئا لك هذا المداد الموالي
والمعطر بحب آل البيت عليهم السلام
رزقنا الله واياكم شفاعتهم في الدنيا والآخرة
وثبتنا الله واياكم على حبهم وولايتهم
دمت بالف خير

[القلب الاسير]

سفينة البحار
منا واليكم لما دعوتم
وجودكم ينير الكلمات بحروفها ويعطر بعطر الولاية الاصيلة
تقبلوا فائق امتناني وشكري
الاقل
احمد رفيش

[ابو ياسر الكعبي]

وفقك الله وسدد خطاك ايها الشاعر الموالي
تمنياتي لك بكل التوفيق
اراك مسدّدا بحب الال من محمد وعلي عليهما اتم الصلوات والسلام

[القلب الاسير]

نورت صفحتي بطلتك عليها
واطرتها باطار محمد وال محمد ص
وعطرتها بحبهم
لك فائق شكري وامتناني
الاقل
احمد رفيش