زينب العباس يل تنشد عليه .... ومثل نهج حسين شفناها بسبيه
هاي أم الخدر هاي ... أبد ما نحتاج راي
إنسبت لبن زياد من فكدت وليه
************
يا يزيد الكذب شانك والوحي بالطف نزل
أسمعنه صوته إعله المنابر ناد يا خير العمل
هو بينه حسين صرخه من الولاده وللأجل
هناك يوم الحشر فيصل يحكم بكل الملل
منه طه يكول آنه .... ومني هو بعلو شانه
العتره والقرآن حكم الله بديه
*************
أسد غالب بالمعارف حيدره حقا أمير
مدرسة حيدر الأولى لعترة الهادي البشير
هو باب العلم منه يدخل الحق المنير
هو سلطان المعارج والبراق أصبح غدير
إسري بالحق يا موالي ... تنال رضوان الجلالي
للصبر منهاج من مدرسة أبيه
*********
ومدرسة فاضل الطينه توسمت بالجعفريه
أينعت شجرة الصادق وأثمرت بالمرجعيه
شيعي إسمي الثمر ناضج بشهد طعم الغاضريه
الحجه شريان إلفؤادي ودورة الدم حيدريه
الفرج بينه النفس يصعد ... يبو صالح الله يشهد
تنتظر بالثاريا مهدي تجيه
************
راضيه ومرضيه نالت بالصير عند الجليل
حملت أعباء الرساله تعاضدت ويه العليل
درع للسجاد زينب سند ما منه مثيل
هو دور حسين دوره وهي أبو درع الثجيل
هو بيده أمر العباد ... وللأمر هي السداد
تكول حيدر والله من تسمع حجيه
****************
صابره بنت الرساله وتحتسب هذا الصبر
في رضا الله بشهاده تريد تكضيه العمر
وبالصبر تدري ياموالي حققت أكبر نصر
والموده لآل طه ثمن تقديم الأجر
هذا حق طه ولآل ... ويمنع النص بيه جدال
وبقتلهم كفرت الأمه بنبيه
********
هاك شوف حسين ثوره غيرت وجه الزمن
إتخذت الأرواح منه مقر في أجمل وطن
جنة الفردوس يم حسين تتوزع سكن
هي بالدنيه كرامه وبالحساب المؤتمن
عرج بحب للطفوف .... الجنه ما بين الجفوف
ناظره للشيعه مثل إمه بسعيه
**************
مكرمه بالجنه حب حسين تصريح الدخول
وبعبايته تلم شيعة علي الزهره البتول
تسأل الباري برحمته العاصي يحضى بالشمول
فاز كلمن ذرف دمعه بحب علي وآل الرسول
تغسل دموعه ذنوبه .... السالت إعله حسين توبه
والعقيله إهناك بالمحشر وجيه
ابو يعرب الجنابي
زينب العباس يل تنشد عليه
العرض العادي
