سلام الله الله الله عله الكرار * سلام الله الله الله عله الكرار
عله الطبره وعله الـمـحراب * عله گبرك يداحي الباب
***
سلام الله ومَلائِكْته عله اسمك ياعلي الكرار
وسلام امن الملك جبريل عله إجْوارك يحامي الجار
وسلام المرسلين إعليك وسلام امن النبي المختار
سلام العالم الأعله إعله شخصك يا ابو الاطهار
سلام الله الله الله لأمين الله= سلام الله الله الله لأمين الله
عله الطبره وعله الـمـحراب * عله گبرك يداحي الباب
***
سلام الله عله حيدر إله إمْن الرب تحيّاته
سلام الله إعله امين الله بأرضه وبسماواته
إعله حِجْته القائمه بأمره عله خلقه ومجرّاته
سلام الله عله العامل إبكتابه ومحكم آياته
سلام الله الله الله عله الحُجه =سلام الله الله الله عله الحُجه
عله الطبره وعله الـمـحراب * عله گبرك يداحي الباب
***
سلام الله عله الجاهد ورُفَع للدين راياته
عله الصان النبي المختار وفداه ابمهجته وذاته
سلام الله عله الكرار وسلام الله إعله حملاته
سلام الله عله الفقار وسلام الله إعله صولاته
سلام الله الله الله عله حيدر= سلام الله الله الله عله حيدر
عله الطبره وعله الـمـحراب * عله گبرك يداحي الباب
***
عله چف الطبر مرحب سلام الـخالق الديّان
سلام الله وسلام الكون إعله حيدر تــؤم القران
سلام الله عله الباهل بيه طه بـنـي نـجران
عله اللـي بـات بفراشه وكسر شوكة أبو سفيان
سلام الله الله الله عله الزاهد =سلام الله الله الله عله الزاهد
عله الطبره وعله الـمـحراب * عله گبرك يداحي الباب
***
سلام الله عله الهامه الشريفه وموضع الطبره
سلام الله عله دمومه سلام الله إعله كل قطره
سلام الله عله جرحه التوضّه من نـزف صبره
سلام الله عله السجده السجدها الصاحب القُدره
سلام الله الله الله عله الساجد= سلام الله الله الله عله الساجد
عله الطبره وعله الـمـحراب * عله گبرك يداحي الباب
***
سلام الله عله حيدر أميـر الكون وأسراره
سلام الله عله الـمرقد عله شباچه واسواره
سلام الله إعله قُدسيته وسلام الله إعله زواره
وسلام الله عله كلمن توجه للوصي وزاره
سلام الله الله الله عله الزوار= سلام الله الله الله عله الزوار
عله الطبره وعله الـمـحراب * عله گبرك يداحي الباب
***
ابو ياسر الكعبي
سلام الله
العرض العادي
