[الشاعرخالدالسعد]

شــايب وبصلاته يناجي الرحمن
ياربي رحمتك واسعة وتزهي
الك وَجهتَ وَجهي ربي عندي اطفال
باجر بيش اوجه لو كلو وَجهي ؟؟




شايب ماتجاوز عمرة بالخمسين
وجان انكلّة شاب العمرة مية وفوك


هسة الضغط صاعد فوك مهر الحيل
عكس الجيب نازل من يطب السوك


جن كِسرة خبز كَسرة الخاطر بيه
يسحكها الوكت .. وشيجبر المسحوك ؟


وخاطر لا تشوفة الناس فارغ جيب
من يطلع بجيبة يحط ورق مطبوك !


يحفظ ماي كصتة النخل من يجوع
ميتة عروك كَلبة وعدلة بي العثوك


شايل عمرة بيدة سنين حرب وعوز
بحيث بطرف ردنة تشم وطن محروك


خرز سبحة سنينة البيدة جانن سود
گلبَن بيض هسة بلون شيب الجوع


نهر احلامة يجري بنص خيالة سنين
وكل ليلة بخيالة يسوي فد مشروع


بنهر احلامه سارح ماسمع شتكول
بتّه بحسرة( بابا الماي هم مكطوع !)


چن ضغطة گبر ضغطت بعينة هموم
نزلن حاجبة ومانزللها دموع


بگد عفّة بناته دموعة محفوظات
واغلى من الحجي العذّان مامسموع


شايب مايبيع دموعة بس ل الله
جاليش الوطن بابخس سعر مبيوع؟؟


جاليش الوطن بابخس سعر مبيوع؟؟




خالدالسعد

[القناص الاول]

آآآآآآآآآآآخ يا بوية
اوجعت گلبي يخالد

[جودت الانصاري]

جميل شاعرنا المبدع
ابا الوليد
مررت فوجدتك تكسر امواج المشاعر على
شواطئ ورق اصم
فابدعت وعسى ان تواصلني

[غصات الحنين]

هذا الحال يكطع الكلب
ابدعت اخي خالد

[الشاعرخالدالسعد]

اقتباس : المشاركة الأصلية كتبت بواسطة القناص الاول [ مشاهدة المشاركة ]

آآآآآآآآآآآخ يا بوية اوجعت گلبي يخالد

يؤسفني ذلك ... هي المواجع تفرض نفسها شعرا

انرت متصفحي

دمت بحفظه

[الروح]

عاشت الايادي وبوركتم
ودي وتقديري

[رآحيل]

الأستاذ السعد
اقف اجلالا لكل حرف سكبته بصدق"
أبدعت بألم وكرامة"
تشكراتي استاذنا

[مآسي]

الاستاذ خالد ماشاء الله ابداعك بلا حدود
وفقك الله كثيرا

[الشاعرخالدالسعد]

اقتباس : المشاركة الأصلية كتبت بواسطة جودت الانصاري [ مشاهدة المشاركة ]

جميل شاعرنا المبدع ابا الوليد مررت فوجدتك تكسر امواج المشاعر على شواطئ ورق اصم فابدعت وعسى ان تواصلني

اشكرك اخي جودت الانصاري

مرورك اضاء متصفحي
لك الود

[الشاعرخالدالسعد]

اقتباس : المشاركة الأصلية كتبت بواسطة غصات الحنين [ مشاهدة المشاركة ]

هذا الحال يكطع الكلب ابدعت اخي خالد

تسلم اخي انرت متصفحي