[القلب الاسير]

كافي عاد
والله ملتنه السنين ....
واحنه لسة انصيح ما ملينه
كافي عاد
تضحك اعلينه الليالي .............
وضحكت الدنية علينه
جمرة التاريخ تلهب ..... والعجيبه البينه واغرب
احنه نعلكها ابادينه
سني شاف الشيعي يضحك ...........
والشرار احرك حنينه
وشيعي شاف السني مجبل ..........
دار وجها بغيض عينه
كافي عاد
الفقير البيها رايح ..... والضمير اكبالة طايح.... ما اسامح .... ما يسامح
والعراق احتار بينه
لانخل يجمع محبة ..... ولاورد يفرشله دربة
والسواجي من بجينه
العراق انذبح خده ...............بخنجر الفتنه اعلى حدة
باقي وحده .......................... والشعب تاه اعلى دينه
لشوكت يبقى النفاق .... لا تحنون اعلى فَيْكم ....حنوا لتراب العراق
ينزف اترابه علينه
يبجي دم .... بلا الم .... خدرت انفاسه بْنِفسنه .... قبطت كل كاعه هم
وهذا كله بلانفع ينزف حجينه
استغفر الله يا عراقي ..... وافتح ابواب الضمير
انت مسلم الله ربك .... والكتابه انت النصير
لا تضل اعلى الضلاله .... وخلي كلشي يعيش حاله
وارضي الله انت ونبينه ............................................كافي عاد
احمد رفيش

[مصحح المسار]

الأكثر من مبدع ورائع
أحمد رفيش
بوركت على هذه القصيدة والله أنها في وقتــــها
ومحلها... مع الأسف خطباؤنا من الشـــــيعة و
السنة يبحرون هذه الأيام في عباب بحر التاريخ
وراية الفتنة تلوح بين الأمواج ... ومنــــهم من
وظف خطبته الدينية للسياسة ومــــــقاعدها !!.
وترك الشارع العراقي ؛؛؛ تركت وحدة التراب
والمصير بل وقضايا الشباب والمجتمع إلى زمن
آخر ... وحيال الاحتفال بالمواليد والاستذكـــــار
للمصائب والشهادات لايكلف أحدهم نفسه بالوعظ
الواقعي المنطقي وليس من خلال دقائق السياق.
احترامي وتقديري

[ابوتكتم الخير]

عظم الله لكم الأجر
بوركتم بكل حرف سيدي الفاضل
موفقين بحق الزهراء

[القلب الاسير]

مروركم دليل على ثقافتكم
وطيب قلبيكم الطاهر
فجزيل شكري وفائق مناي
تقبلوا تحياتي وتقديري
الاقل
احمد رفيش