شاهدت ام تحتضن ابنتها التي قطع اوصالها انفجار
في بغداد قبل ايام فكتبت هذه الكلمات لما للمنظر
فاجعة تهز الوجدان
------
الابيض لو جفن لو ثوب العرس لو شيب
وعلى ذني ولج كلهن زغيره
ردت ثوب العرس يا يمه اشوفج بيه
ما ردت الجفن يحكم مصيره
وديتج مشي ترجعيلي بتابوت
ومنو البيكم عدل يقبل ضميره
حتى المكبره تصيح كلها اطفال
ما بيهم ابد دفعه جبيره
سبع سنين عمرج ليش كتلوج
وانه عكبج ترى ظاله بحيره
يا اهل الانبار شبيكم وليش
يصرح بالقتل ابن الحقيره
مو كافي كطعتوا اجفوف عباس
ومو كافي زينبنا اسيره
مو كافي اعلى الترب مذبوح الحسين
ومو كافي الخيم شبت وجيره
اخذوا هالحجي من شيعة الكرار
ويبقى ابنك علي قائد مسيرة
مسلسلكم خلص ياعداء الاسلام
واحنا ارجالها الحلقة الاخيرة
-----
الشاعر مهدي البدري
احنا رجالها الحلقة الاخيرة
العرض العادي
