(( العبـــــــــــــــره))
اسمݘ يازينب عبره **انتي لحسين وصبره
أسمݘ عَبره منّه العِبره نتفهّم **وصبرݘ عالعقيده دروسه نتعلّم
المثاله انتـــــي لاوالله ميتندّم **عنده الموت جنّــــه عليها يتقدّم
حبكــم موظلم من عنده نتظاّم**هدايه وخيـر الباري علينه انعم
گظّيتي عمرج مالومه *** نوح وحسرة مظلومه
بگلب لوردنه للاحزان نجمعها **وعيــــون البݘت وحدّنه مدمعها
لاأيوب ولايعقوب مرجعهـــــــا**للأمثال انتـــــــي القدوه اروعها
وعليݘ المصايب مرت افجعهــا**وصرخات الهظم الشيعه تسمعها
جروحݘ كلها ملݘومه***نوح وحسرة مظلومه
ماعشتي السعاده من زغر سنّݘ **مايوم اليمر بيݘ أوسكن ونّـݘ
المصايب مالگن مثلݘ أوعافنّـݘ **يدّورن عالصبر تاليها لاگنّݘ
وعله لم الشمل وافراحه وازنّـݘ**أبستر الليالي يما بجّنــــــــــݘ
أيام باللّوعــــــــــه ونوحݘ
من كـــــل غالي محرومه ***نوح وحسرة مظلومه
بعد دار الامامه غربتݘ غربــــه **وصارت گعدتݘ ياحرّه بالخربـه
راح حسين منݘ ياذنب ذنبــــــه ** المثلث ابگلبݘ ألرمه گلبـــــــــه
عله العباس هاي مصيبتج صعبه ** وكل شده التمرّݘ خدرݘ أيندبه
غاب الگمر ونجومه *** نوح وحسرة مظلومه
ألأهل البيت من يظهر عداوه ألهم**هاي احقادهم هيّه اصل ذلهـــــــــــم
اولاد الرذيلـــــــــــه خابوا بظنهم **اشما خطّت اياديهم بدع فنهــــــــــم
باقي حسين ذكـــره بالرغم عنهم **وتبقه الشيعه لاصحاب العبه أتودهم
خطوات الحق مرسومه *** نوح وحسرة مظلومه
اسمج يازينب عبره
العرض العادي
