[قاسم حتروش]

هذه القصيدة تقرأ بطور قصيدة (( ماكوا ريبه وماكوا شك )) التي قرأها المبدع الحاج باسم الكربلائي




غـدر مـات العسكري ** بـسـم حـفـيد السامري
بـغـربــه ودّع دنـيـتـه وسمته العدوان
لا أهــل يمّه وعشيره بعـيده الأوطان
وسـفه وسـفه
***********
شكد أذيّـــه وضيم شاف أبن الزجيه
العسكــري صاحب الطلعة الهاشميه
مــن بــنــي العباس منبع كـــــل أذيّه
مــــن بــــدايــة عـمــره ولحد المنيه
شكد ظلم شاف ومحن ** شبل هـــادينه الحسن
بداخل بالسجن أنوضع حقبه من الأزمان
لا أهــل يــمّـه وعـــشيره بعـيده الأوطان
وسـفه وسـفه
**********
فـــاجـعة حلّت بـــهــل ليلة عظيمة
بــيــد أحــفــاد الــرذيـلة والجريمة
صابَوْ بسم الغـــدر صاحب الشيمة
العسكري صاحب النخوة والعزيمة
واللي سمّه المعــتمد ** راد ينهي المعـــتقد
مــا دره بــآل النبي لكتابه قـــــــربان
لا أهــل يمّه وعشيره بعـيده الأوطان
وسـفه وسـفه
***********
سره سم الفاجعــة بجبد أبــو محمد
وحس قريــب الأجـل للباري تِشَهّد
كال فدوه الديـن جدّي الهادي أحمد
كــل حياتي ومــــا أمـلكه الله يشهد
أحنه منهاب الأجل ** وبينه دين الله كمل
نذر نذرتنه الزجيه الـــــوحي الرحمن
لا أهــل يمّه وعشيره بعـيده الأوطان
وسـفه وسـفه
**********
ودّع الــدنــيـه غــريب بـــدار غربه
وصعبه ليـــودّع حياته بغربه صعبه
ندري ليموت التحضـره ذوي القربه
تــوســـده عــل قبلة وتمد أيده ألتحبّه
يــمّــه يـلـتـم الـشـمـل ** وتحضره كـــل الأهل
تودعه ويـودعها الأهلة وكــــــل الإخوان
لا أهــل يمّه وعشيره بعـيده الأوطان
وسـفه وسـفه
***********
أرض سامــــره مست ظلمة وكئيبه
عله شبـل المصطفى الهادي وحبيبه
ومثل سامره صفت كل أرض طيبه
مــن نشر بيها الخبر ناعي المصيبه
ودور هــاشــم معوله ** بــهــل مـسـه ولكربله
بس يــتــامـــه وحـــرم بيها وكـلها أحزان
لا أهــل يمّه وعشيره بعـيده الأوطان
وسـفه وسـفه
*********
عظّم أجــرك سيدي حارس بلدنه
وأجــر مهدينه أبـــــو صالح سندنه
وياكـــم أحنه نصبنه مأتـــم وبألمنه
وعلى مصايبكم أبـــــد ميفك حزنه
كل عزيز اللي أنفكد ** تـــأبــنــه شـــيعة بلد
وعــل ولايـــة صامدة وتضحي شبّان
لا أهــل يمّه وعشيره بعـيده الأوطان
وسـفه وسـفه
***********
حضر عنده المنتظر أبنه ومهجته
جــهّـــزه الـــوالــده وتـــولّه دفنته
بس أبـــو أليمه بقه عاري بغـربته
تلث ليالي موســـده عالغبره جثته
مسلّب وعاري الجسد ** وصدره بالخيل أنمرد
بالفله بــاقي يــويـلي ومــات عطشان
لا أهــل يمّه وعشيره بعـيده الأوطان
وسـفه وسـفه
*********
نسأل البــاري ونـنـشـده بهل مسيه
بــالـحـسـن ومـصـابه وبأبنه وأخيه
يــنـهـي لـغـيـابـه شـبـل سيد البريه
حتى ياخذ ثار كـــل أهــــل الحميه
هذه دعوه من المهج ** ربّي عـجـلّــه الفرج
علينه يرجع من غيابه وينهي الأحزان
لا أهـل يــمّـه وعشيره بعـيده الأوطان
وسـفه وسـفه




الشاعر
خادم الحسين (ع)
قاسم حتروش البلداوي