[Ahmad]

بسم الله الرحمن الرحيم
اللهم صل على محمد واله الطيبين الطاهرين
^^^^^^^^^^^^^^^^^^^^^^^^^^^^^^^^^^^^^

اولا احب اقول لكم كل عام وانتم بألف خير بمناسبة عيد الاضحى المبارك


انا من زمان ما كتبت اشعار
قلت اكتب واحد بمناسبة العيد البيهيج
وان شاء الله مالاقي ناس مثل حالتي
smilies/50.gif

اتمنى تعجبكم



مر علي هاليوم ومدري ليش طفشان ### ويقولوا لي الناس ترى هاليوم عيد ؟!

الف عيوني واناظر واشوف الكل فرحان ### وسولف مع نفسي واقول ايش الجديد ؟

اليوم نفس امس وهالحال عندي من زمان ### اخاف بس قلبي قــَـلب قطعة حديد !!

واضحك مع هالناس و اطلع كل مكان ### واردد معاهم مثلهم عسى عيدك سعيد

و ودي عليهم يوم يفلت هالسان ### بس انا طيب و المشكله خوفي من الله والوعيد

نفسي اكون فارس واركب لي حصان ### واهرب معاه في ليل للأفق البعيد

بس للأسف صاحي ومقدر اكون سكران ### و حدّي اخبط خرابيطي في هالقصيد

أدري اني كنت مخبول يوم أطلقت العنان ### يعني شسوي دام هذا اليوم عيد ؟؟





تــــــــDــــــحـAــيــMــاتـــي لـــHــكـــAــــم

[عاشقة أهل البيت]

اقتباس :

أدري اني كنت مخبول يوم أطلقت العنان ### يعني شسوي دام هذا اليوم عيد ؟؟

smilies/Taj32.gif لا مو مخبول


الاحلام ببلاش smilies/016111.gif


يسلمووووا ياشاعر

عيدك مبارك :rolleyes:

[Ahmad]

ههههههههه
اي والله الاحلام ببلاش

الله يسلمك خيتو

وكل عام وانت بألف بخير

[نور المستوحشين]

اليوم عيد وش الجديد ........حلوة أخوي سلمت يداك .............تحــيـــــ نور المستوحشين ــاتــي

[Ahmad]

الله يسلمك أختي نور المستوحشين

نورتي الصفحه

[* بـــتــولــ *]

اقتباس : المشاركة الأصلية كتبت بواسطة Ahmad [ مشاهدة المشاركة ]

بس للأسف صاحي ومقدر اكون سكران ### و حدّي اخبط خرابيطي في هالقصيد

ابداااع اخي احمد
ههههههههههه هههههههه دموع طاحت من الضحك smilies/50.gif
بس جدا مناسبه هاي الصوره مع البيت( مو الشقه ) اللي اخترته ههههههههههههه smilies/50.gif

سامحني اخوي ع الضحك بس القصيده روعه
كل عام وانت بخير . ترى العيد مو اليوم انت عيدت بدري



وهاي الرساله اللي برسلها
مابقى للعيد غير وقت قصر
بس قلبي من غلاكم ماقدر
قال ترسل أو أنا قبلك اطير
قلت بكره قال مافيني صبر
قلت برسل تهنئه وشوق كبير
( يا عسا أعيادكم كل العمر)

[حب حسين جنني]

وانته بصحه وسلامه

مر علي هاليوم ومدري ليش طفشان ### ويقولوا لي الناس ترى هاليوم عيد ؟!

الف عيوني واناظر واشوف الكل فرحان ### وسولف مع نفسي واقول ايش الجديد ؟

بصراحه اكثر البيتين اللي اعجبوني

والكل

يعطيك العافيه وما قصرت وانته معودنا بالشهر مره بالكثير

بس كل واحد احلى من الثاني ما شاء الله عليك


تقبل مروري

[لبيك داعي الله]

ماشااااااااااااء الله عليك نفسي اكون فارس واركب لي حصان ### واهرب معاه في ليل للأفق البعيد

انت فارس بلا حصان

هههههههههههههههه

ننتظر جديدك

تحياتي................... لبيك داعي الله .

[بنتُ علي]

الف عيوني واناظر واشوف الكل فرحان ### وسولف مع نفسي واقول ايش الجديد ؟

اليوم نفس امس وهالحال عندي من زمان ### اخاف بس قلبي قــَـلب قطعة حديد !!:confused:

واضحك مع هالناس و اطلع كل مكان ### واردد معاهم مثلهم عسى عيدك سعيد

موبس انت احمد ...اني بكل عيد نفس الحالة ..ماحب العيد استغفر الله ....

بس ابتسم .... ...

عيدك مبارك وكل عام وانت بخير .....

فكرت كاتب شي حليو ..حق العيد يعني فرح ..فترددت ادخل :confused:...يوم دخلت لقيته غير ....يحكيني

عجبني ...فارس وحصا ن واروح للافق البعيد

اني احلم اركب سفينة وتمشي في البحر ....ومادري وين تروح ..خل تمشي لحد ماوصل مادري لوين :confused:

ان شاء الله بيتغير الحال وتفرح ...ويارب يجي عيد تحس فيه بالفرح

واني بعد ....نفسي يجي يوم عيد افرح فيه ...من قلب

حلوة القصيدة او الخاطرة .....سويت الها شرح نص ونقد ادبي ....وتحليل ...

ماصارت ..ههههههههه

مشكور اخوي احمد .....والله يبارك بأيامك ويفرحك

تحياتي

[Ahmad]

اقتباس : المشاركة الأصلية كتبت بواسطة * بـــتــولــ * [ مشاهدة المشاركة ]

ابداااع اخي احمد ههههههههههه هههههههه دموع طاحت من الضحك smilies/50.gif بس جدا مناسبه هاي الصوره مع البيت( مو الشقه ) اللي اخترته ههههههههههههه smilies/50.gif سامحني اخوي ع الضحك بس القصيده روعه كل عام وانت بخير . ترى العيد مو اليوم انت عيدت بدري وهاي الرساله اللي برسلها مابقى للعيد غير وقت قصر بس قلبي من غلاكم ماقدر قال ترسل أو أنا قبلك اطير قلت بكره قال مافيني صبر قلت برسل تهنئه وشوق كبير ( يا عسا أعيادكم كل العمر)

هههههههههه
مسموحه خيتو ^_^

والصوره مناسبه للبيت smilies/50.gif

وشكرا على الرساله وكل عام وانت بألف خير