[على العاشق]

راح اسويلي حـزب


راح اسويلي حزب و اصعد عليه كلهة صعدت كلهة هيج سواية
و انه باية الباية اريد اصعد غشيم ثاري عدنه احنه الدرج بس باية
مو مهم شراح اسوي شراح اصير اشكد احصل هية هاي الغاية
مركز الترشيح سوويتوه ضريح و لنتخابك راحت المشاية
تالي ردينه الرؤوس اعلة الرماح و انت يم بيتك تدوس الراية
الراعي خله ايراعي قولك يا رسول صرنة بحلوك الذيابة احجاية
و احنا راعينا .......يصفر نائل....... احنه موتة و ملتهيلي بـنايه
للوطن غير اللطم ما جبتوا شي راح اعزلك وانتخب ملاية
المنتخب ما منتخب بس سوّة شي و انتو مجلس منتخب لغـّاية
شرايك انخلي الوطن نادي يصير ماكو عدنه اسهل ابد من هاية
العلم شبجة و يونس انخليه رئيس و النشيد ايصير يا علاية
شر بليتنه الدمع يضحك عليه و احنه عدنه الفاجعه بكل ثاية
نقره بس البسملة عـاللي يموت ما نلحـّك عدنه موتة هواية
نوصل لحد مالكِ ايموت الوراه حتى ما نلحك نكمل الآية
خله تمساح الظلم بالشط يجول لا تطعمه ولاية بعد ولاية
ندري جاي بطيبة و بقصدك شريف بس حرام بدمنه تخبط مايه
انت مثل الباني مسجد للصلاة بس فرشت العتبة بمصلاية
يا سياسيين يا اهل العقول يا مناصب ياحجج يا آية
اين حقي اين من يبحث عليه اين من جارة يشوف ويايه
روحي طكت يا ابو مراية ارد اجيك شوف جارة لشعبي يا بو مراية
التطك روحه و يثور اتمنعه ليش و انت متغطي بدفو الجرباية
الريحة مو من عدهة فاحت من غطاك اكشفهة احسن المن امغطاية
كتله مد ايدك الي و ذب السلاح مو كال من عيوني هاية و هاية
و مـَدلك ايده و كـَلبجت بيده الحديد و غصن زيتونك طلع سلاية
هسة شال ايده بعد صير انت ايد خل اشوفنك صكر ؟؟ فختاية ؟؟
و خاف ما تفهم لهجتي اسأل صديق كله فسر ايدي شتكلك هاية ..

روائع الشاعر الكبير
نائل المظفر
ولكم تحياتي

[ايمان حسيني]

الله والله امتعتني القصيده يسلم ايديك اخي والله ماادري افرح بجمال النظم لو انقهر على حال بلدنا الله يعينه بحق محمد وال محمد

[نور المستوحشين]

نقل موفق

بانتظار المزيد من مشاركاتك

[على العاشق]

اقتباس : المشاركة الأصلية كتبت بواسطة ايمان حسيني [ مشاهدة المشاركة ]

الله والله امتعتني القصيده يسلم ايديك اخي والله ماادري افرح بجمال النظم لو انقهر على حال بلدنا الله يعينه بحق محمد وال محمد

لا يجيب لكي ولا لاي عراقي اي قهر ائشاء الله يرحمنا برحمتة الواسعة
بحق محمد وال محمد
شكرا اختي لمروركي المبارك
تحياتي

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع