بسم الله الرحمن الرحيم
اللهم صلي على محمد واله
-----
وللطرافه اذكر ان نحن العراقين نتحدث لبعضنا وناخذ المزح او الملاطفه مدخل
للحديث وعندما يتحول الحوار الى الجد تجد العراقي يرد على صاحبه تريد
الصدق ، وفي حوار بيني وبين الشاعر المبدع حيدر من العراق حول مشاركاته
الرائعه على منتدى انا شيعي كتبت له مرور فرد عليه بيت شعر يمدح به قبيلتي
كونه من الناصريه وقبيلتي مم القبائل المعروف بهذه المنطقة احببت ابين له انا
انني لا استطيع مجاراته بالشعر لانه وحسب ما قراءت له انه شاعر لا يشق
له غباروانا اكتب على السليقه فكتبت له هذه الكلمات :-
شكتب لردك عليه تدري اهلي بأور يمك وانا
بالغربه بعيد
عمي شويه اعلى كيفك انا اظل سارح بطيفك لاني شاعر
وواكتب قصيد
ولاني يمك واجي لبيتك بحضني اضمك واقبل اطراف الانامل
وايدك التكتب قصيد
والله بالغربه بعيد وهمي حيل اتعب احوالي مثل ما
شايل حديـــد
امانه عمي بحب ابو الزهره وعلينه اذكرني من
تكتب جـديــــد
وانا من اكتب اذكر اسمك على حـــروفي بحبــر
لــو دم الوريــــد
احبك انا من كلامك بابو اليمه وجهدك الرائع ياحيدر
تغرد وتكتب نشيد
اكرر واطلب طلب وللطلب الزهره مشيه اذكرني من
تكتب جــديـــد
انته رائع انته مبدع انته
فنان ومجيـد
وبالاثنا ء تبادرت صور كربلاء فكتبت بنفس الوزن
مشهد كربلاء
-----
لحظه من فضلك توقف مشهد ابالي جديد
انا اكتب لك جوابي والحجي الجد والمفيد
انا خدام ابو اليمه وخادمه هوه السعيد
اكتب حروف القصايد عالسليقه وبيها اجيد
انا بدري اصل لكن شيعي اموالي اكيد
حرقة بقلبي اتعبتني وحق من ظل بالصعيد
يقول سيدالكائنات حرقت حسين اتجدد
بقلب كل مؤمن تطفي وترد من جديد
ودي اكتب عن امامي حجي متميز فريد
مثل كتاب اسبقتني تصدت لفكر الشهيد
وانا مسترسل بحجيي والفكر سارح بعيد
اشرقت كربلاء اقبالي والحره تسبيها العبيد
اســباط ذبحتها اميه اختلط دمها والحديد
ولسبي نسوان الرساله الارض قامت تميد
جيــش ابو الاحـــرار قله 73 حيـــــد
من الشآم للبصره جمعله الباقي الملحد يزيد
دارت بغرة محرم مجزرة تشييب الوليد
ابرزت فرسان الهواشم وبالزلم قامت تبيد
ظلت اتدور السواتر وصار بالحومه لبيد
حمل عباس ابو فاضل وحملت اتيبس الوريد
قالوا جن حيدر حضرها وهاي معجزته اكيد
لاكبر يلمها اعلى عمه ولو حمل ترست البيد
من ركب شبل الحسن يهزج وينشد قصيد
ومن برز ضنوة مظاهر لن بواترهم جريد
وابن عروه اسد ضاري غزلان سواها ويصيد
وطب زهير ولن حسامه نار تأكل بالحصيد
برير وي نافع تنخوا بالشرف ذاك العتيد
عابس الجنه هيامه لبس روحه اعلى الحديد
صال حر ابن الرياحي وصار للحومة رعيد
شاحسب وشاترك ضياغم صار عدها الحرب عيد
الطفل للحومة يقصد وامه صارت له عضيد
اجى حماي الحميه الشهيد ابن الشهيد
كثر الكرة عليها وامطرت دم وصديد
من وقع سبط الرساله الاسف قلي شيفيد
بس قدر مكتوب حتما والله يفعل ما يريد
العليل العند زينب صار للامه رصيد
انطوت بيها الرساله ورد نشرها من جديد
هاي وحد من المأسي الواجهت قلب الحفيد
قضت بس ساجد ويدعي وينشر الامر الرشيد
وسلمت رايه لرايه امن ايد حيد لايد حيد
الغايب محدد مساره الباري ححدله اليريد
انتظروا ويانه يشيعه الفرج قادم من بعيد
النصر لا بطلعته وانا منتظره سعيد
وهذا ردي مو مدادي هذا من دم الوريد
وأسالكم الدعاء
والشكر موصول الى حيدر من العراق
وصلوا على محمد وآله
اللهم صلي على محمد وآل محمد وفرج لهم بظهور قائمهم احسنت اخي الموسوي على الكلمه الطيبه والمرور وفقنا الله جميعا لخدمة المذهب ونشر كلمة الحق ونسأله الهدايه للجميع فانه غني عن عباده وباقة ورد لمن صلى على محمد وآل محمد لها بداية وليس لها نهايه
اللهم صلي على محمد وآال محمد وعجل فرجهم بظهور المهدي من آل محمد وارزقنا رأفته ودعاءه شكرا لك اخي الحب احساس مو كلمة دعاءنا لك بالتوفيق وجعلك من المبدين الحب للآل محمد فانه اجر رسالته كل حرف يكتب بهذا الاتجاه يزيدك حسنه ويطرح عنك سئه الصلاة على محمد وآله خفيف على اللسان ثقيله في الميزان هنئا لمن ابتدا يومه بها وانهاه بها
مشهد كربلا وقصةالقصيده
العرض العادي
