[أنا قاهرتهم]

..المقــاديــر..


كأس طحين


كأس سكر


نصف كأس زيت


أربع بيضات


ملعقه بيكنج باودر


ملعقه دارسين مطحون..


علبة حليب سائل


نبدأ بطريقة العمل..


(1)
نخلط السوائل مع بعض اللي هم الحليب السائل والبيض والزيت




(2)
نحط النواشف اللي هم السكر والطحين والدارسين وآخر شيء البكينج باودر..
حطينا الطحين والسكر
** هنا نحط الدارسين**


** هنا نحط البيكنج وهذا آخر شيء**


(3)
نجيب الصينيه أو الحله اللي بنحط فيها الخليط وندهنه بشوية زيت >>> شوي بس!!


(4)
ناخذ ملعقه وحده كبيره أو وحده ونص على حسب حجم الصينيه ونحطه ..




شوفوا نوزعه زين..بس موتحطون الخليط كله..





(5)
ندخلها الفرن ونوقف لأنها بسرعه بتتحمر .. نشغل عليها من فوق بس!!





لما نطلعها نصب عليها نفس المقدار اللي حطيناه بالمره الأولى.. ولا تخلصون الخليط كله.. الكيكه طبقات..





طبعاً أنا سويت حوالي خمس طبقات .. يعني تستوي الطبقه الثانيه طلعوها وحطوا بعدها لما يخلص الخليط..


بكذا خلصت الكيكه عندي.
.



الكيكه فوقها توفي والتوفي عباره عن:


كوب سكر ..


علبة قشطه..





وطريقتها نذوب السكر أول شيء على نار هادئه..





بعدها نحط القشطه





التوفي استوى ..





نصبه على الكيكه..





ندخلها الثلاجه تتماسك شوي.. وبعد مانطلعها نقصها..





وهذا شكل الكيكه النهائي وبالهنا والعافيه..






بس قطعوها بطريقه مربعات اصغر والله انها لذيذه .....
وطبعاً أختياري الصينيه بس لو تكون مستطيله أفضل لكم
بالعافيه عليكم ...

[أرجوان]

تسلم ايدك يالغلا
بجربها بكرة ..

[الحانية]

يسلموووووووو حياتي
بس احس صعبه نشيل ونحط نشيل ونحط خمس مرات
عادي اذا حطيناها كلها مرة وحده ( الخليط )
عجبتني مقاديرها تسلم ايدج 000

[البحرانية]

مع ان خطواتها طويلة ولكن يباااااان عليها لذييييييييييذة وتستاهل كل هذا التعب

لك مني خالص الشكر والتحية على هذي الوصفة المميزة

تقبلي مروري وتحياااااااتي