|
|
شاعر
|
|
رقم العضوية : 46554
|
|
الإنتساب : Dec 2009
|
|
المشاركات : 277
|
|
بمعدل : 0.05 يوميا
|
|
|
|
|
|
المنتدى :
المنتدى الثقافي
أبطيحة لوانه
بتاريخ : 10-12-2010 الساعة : 04:49 PM
(( أبطيحة لوانه ))
أبطيحة لوانه ... مصابه عمانه
وأحنا أنسبينه ... أبطيحة ولينـــه
ياعباس
************
سـهم النوايب من نفذ بالكَلب صـار صوابــه
من طاح أبن سيد الرُسل طاح الملك بعتـابه
وختلت أركان السمه والعرش ينعي مصـابه
وجبـــريل نازل للأرض يتعفـر أمن تـرابـه
ينادي الظليمه ... أبليـــله أليمـه
حلت علينــــه ... أبطيحة ولينه
ياعباس
************
بوحشـت الليـل أوغربتـه محتاره ألم بعيـالك
هامت بـــوادي كربـله ياخـــويه كل أطفــالك
كل ساعه ينشدني طفل وشلون أخبره بحالك
أتنطـرك يـابو الفضـل بلچـن يمـرأخيــــــالك
وبهذا حـالي ... أعرض سؤالي
شيطح بدينه ... أبطيحـة ولينـه
ياعباس
************
عبــــاس ألك عيله وظعن ماتكَعد أتراعيهــا
منته الكفيـل بهل الحـرم وأنتَ الموزم بيهــا
وأنتَ الجبتهــا من الوطن وبعينك أتبـاريهـا
شـوتالي عنها أتعذرت كَل أمل ماضل ليهـا
أمست غريبه ... بهاي المُصيبه
ولّيـه أنولينـه ... أبطيحة ولينـه
ياعباس
************
عبـاس ماشـفت الجره يوم الطحت عالغبـره
أطفال مســبيه أوحـرم والخيم نـار أموجــره
هامت العيله بكَل كَتر ماتـدري وين المسـره
تاهت أطفالك والحرم وختك صُفت متحيـره
أبسهم النوايب ... دلالي ذايــــب
زايـــد ونينــه ... أبطيحة ولينـه
ياعباس
************
عباس دسـمع هل خبر أحچيك أعله ســكينه
مصيبوبه وأتهل الدمع تنشـــدني عنّك وينــه
لونتهــا دلالي أنفُطـر والكَلب زاد أونينـــــــه
حنيت بالهم وأنحبت والدهر جـــار أعلينـــه
شـبوا خيمنه ... أبغيبــة زلمنـه
أبحيره بُكَينه ... أبطيحة ولينـه
ياعباس
************
عبــــاس شــــدّوا محملي لليســـــر باچــر أطلع
والظعن يحــديه الشــــمر وأنت طريح المصرع
ترضاها يابو الموزمه صوطه أعله متني أتكَطع
وشـــــلون ظل عنـدك صبر من نومتـك ماتفزع
چفّت دمعتي ... بلوعي وحسرتي
أسره مشينه ... أبطيحة ولينـــــه
ياعباس
************
بقلم / سـعد مطلوب الخفاجي
| |
|
|
|
|
|
العرض العادي
