[علي البههادلي]

بحق امير المؤمنين عليه السلام

يا امام ومايصح غيرك إمام


واحنه غيرك مانريد ومانحبْ


واحنه حبك مو اخذناه اعتباط


الما يحبك گلي چا المن يحب


الدنيه عاثور وزلگ كلهه الحياة


وگلي غيرك منو ايدلينه الدرب


واحنه لو تهنه ابزواغير الدروب


راح نگضي العمر بالهم والتعب


وندري زين امقفله بيبان العباد


وفقط بابك فاتح الكلمن يطبْ


واحنه ندري اللي يندبك تعتنيه


وبالكلايف غير شخصك مايطب


وبالنوايب غير ابو حسين اشنصيح


وغير حيدر گلي يا هو اليندبْ


ياهو غيرك لو وگعنه ونعتنيه


يبو الحمله ومن يحل النــــه الصعبْ


,,,,,,,,,,,,,,,,,,,,,,,,,,,,,,,,,,,,,,,,


والغصب حقك ياحيدر يدري زين


انته متوّصي وفلا تعلن حرب


انته نفذتْ الوصيه ابكل امان


اصبرت لكن نار گلبــك تلتهبْ


وذوله ماچان اعتنو باب البتول


ولا اجو للدار وياهم حـــطبْ


وچان ابو الحسنين ماأخذوه اسير


وراح مجبور وغصب بايع غصبْ


والله لو ما چان متوصّي الاميرِ!


إبسيفه چان الدنيه يگلــــبهه گلبْ


وچان جزرّهم ضحايه إبلايه روس


وچان سوّه الگاع جواهــــم لهبْ


وچان مامدّو اديهم عالبتـــــــــول


وچان لا واحد تدنّـــه ولا گربْ


!!!!؟؟؟!!!!!


وچان ما أخذو فدك بعــد الرسول


وچان ماحق فاطمه نهبوه نهـــــبْ


وچان مابعدّو حيـــــدر واخذلــــوه


وما انصاب المرتضى إبسيف النصبْ


وچان ابو محمد ابسمهـم ما سگوه


وچان اصل الدين باقـــي ومنتصبْ


وچان ما گطعو العباس الچفوف؟؟؟


وابو اليمّه احسين نايم عالتـــــربْ


هوّه من يوم السقيفه الانحـــــراف!!


إهناك ضاع الدين وتولــّت غربْ


إهناك ضاعت كل فروعه وكل اصول


وشفنه ويلات إشكثر ماتنحســـــبْ


اهناك دگــــّو ساس اعوج للبناء


واحنه نعرف زين يوم وينــگلبْ


!!!!!!!!!!!


واحنه ندري مـــا يصح إلا الصحيح!


وندري بالباطل اشيكتب ينشطــبْ


واللي يعطش يروه من دين الهداة


والشرب من غيـــرهم ماچن شربْ


باچر ابيوم الحشــــر همه النجاة


ابغير حبهم يصبح الموقف صعبْ


ابغيــــر ودهم لا جنان ولا خلود!!


ولارضى المعبود نحضــــه ولا قربْ


||||||||||||||||||||||||||||||||||||||||||||


العاشره صباحا


في 29.9.2010


بقلم علي البهادلي

[رياض الرسل]

السلام عليكم

علي البهادلي

والله الك وحشه ياغالي
موفق على هذه الكلمات الرائعه
والله لايحرمنا منك ابد
دمت لنا

رياض الرسل

[ثورة الحسين]

بسم الله الرحمن الرحيم
تسلم على ماخطت اناملك من كلمات جواهر في حق علي (ع)
وارجو ان تقوم بالنشر اكثر مما هو عليك لان هذه الابيات هي الوحيده لكي
اشكرك على نصائحك الجميله
واهدي اليك هذا الدارمي بمناسبة ولاده الامام علي (ع)
ـــــــــــــــــــــــــــــ
للضربه ميثني حيدر الكرار
واختبن ود هاي تحجيلك اصار
ـــــــــــــــــــــــــــ
بقلمي خادم اهل البيت(ع )
عبدالله الشاعر

[بهاء آل طعمه]

الله الله الله .......... أبدعت بربي أبدعتْ ...كبير كبير ياعلي البهادلي ....... يا ألق الحرف ومشكاة الكلِم ..., موفق لكلّ خير ياابن الطيبين ..,
أخوك الصغير

بهاء آل طعمه

[نزار الفرج]

بسم الله الرحمن الرحيم
اجاد ايها العزيز علي البهادلي
قصيدة رائعة بحق سيد الوصيين وقسيم النار والجنة
بوركت .. اطيب سلامي ودعائي لك..
اخوك نزار الفرج
ابو محسد

[سديم الفجر]

السلام عليكم ورحمة اللهو وبركاته
موفقين شاعرنا العزيز علي البهادلي
رائعة القصيدة الله يرعاك ويوفقك
تحياتي

[علي البههادلي]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

السلام عليكم علي البهادلي والله الك وحشه ياغالي موفق على هذه الكلمات الرائعه والله لايحرمنا منك ابد دمت لنا رياض الرسل

العزيز رياض الرسل
ايها المبدع تشرفت بمرورك الكريم الذي زان متصفحي لاحرمنا
من هذا اتواجد العطر ومبروك لك ميلاد سيد الوصيين عليه السلام
موفقين وشكرا لروعة المرور

[علي البههادلي]

اقتباس : المشاركة الأصلية كتبت بواسطة ثورة الحسين [ مشاهدة المشاركة ]

بسم الله الرحمن الرحيم تسلم على ماخطت اناملك من كلمات جواهر في حق علي (ع) وارجو ان تقوم بالنشر اكثر مما هو عليك لان هذه الابيات هي الوحيده لكي اشكرك على نصائحك الجميله واهدي اليك هذا الدارمي بمناسبة ولاده الامام علي (ع) ـــــــــــــــــــــــــــــ للضربه ميثني حيدر الكرار واختبن ود هاي تحجيلك اصار ـــــــــــــــــــــــــــ بقلمي خادم اهل البيت(ع ) عبدالله الشاعر

العزيز عبد الله الشاعر
لاحرمنا من تواجدك العطر ونفسك الطيبه سعدت بمروركم العطر وتواجدكم
المميز وشكرا للدارمي الجميل وفقك الباري وسدد للخير خطاك
وشكرا مجددا لروعة مرورك

[علي البههادلي]

اقتباس : المشاركة الأصلية كتبت بواسطة بهاء آل طعمه [ مشاهدة المشاركة ]

الله الله الله .......... أبدعت بربي أبدعتْ ...كبير كبير ياعلي البهادلي ....... يا ألق الحرف ومشكاة الكلِم ..., موفق لكلّ خير ياابن الطيبين .., أخوك الصغير بهاء آل طعمه

العزيز الغالي السيد بهاء ال طعمه
سررت بتواجدكم المميز ومروكم الذي انار اسطر القصيده لاحرمنا من هذا التواجد
المميز والمرور العطر والاطراء الجميل جدا نسال الله ان يدوم هذا التواصل وهذا النفس الطيب
وفقكم الباري لمراضيه

[علي البههادلي]

اقتباس : المشاركة الأصلية كتبت بواسطة نزار الفرج [ مشاهدة المشاركة ]

بسم الله الرحمن الرحيم اجاد ايها العزيز علي البهادلي قصيدة رائعة بحق سيد الوصيين وقسيم النار والجنة بوركت .. اطيب سلامي ودعائي لك.. اخوك نزار الفرج ابو محسد

ايها العزيز ياابا محســــــــد
انه من دواعي سروري تواجدكم العطر والمييز وهذا التواصل الطيب
الذي ارجو من الله تعالى دوامه ولاحرمنا من نفسكم الطيب ودعواتكم الرائعه
وفقكم الباري لمراضيه وسدد للخير خطاكم والف مبروك لنا ولكم ولادة امير المؤمنين عليه السلام