[صفاء آل حسيني]

وعيونك ابو مصطاف محد جابه غير خيبتنا وسكوتنا ...يا امريكان الي جابوه ... واحنا وين جنا نايمين لو جنا نلطم ...واحدنا يسب الاخر..ملتهين هذا زلفه ليش طويل وذاك ليش لابس جارلس وفلان شيخ القى خطبة بفلان مسجد وضيعنا الاول والتالي ..البعثيين انتهزوا الفرصة وقلبوا نظام الحكم ومحد طلع ضدهم ولا كال ليش ولا شنو السالفة ...ليش نلوم غيرنا والعلة بينا حبيبي...وهذا الميناء منو منع العراق ان يبنيه الامريكان لو اسرائيل؟؟؟؟ احنا ملتهين بغير امور لو نريد نبني عراقنا جان بنيناه بين يوم وليله ...شفت الزيارة الاخيرة بوفاة الامام موسىابن جعفر شكد جانت مهيبة وضخمة ؟ وشكد الزوار اتحملوا حر وتعب واذى..وخاطروا بانفسهم وشلون جانوا قلب على قلب ...لو هذولة الزوار احد التفت الهم وكاللهم تعالوا ابنوا او نظفوا او عمروا والكم اجر وثواب اضعاف ثواب الزيارة لان راح يكون صدقة جارية ...ما جان بنوا العراق ونظفوه وعمروه ...لكن المشكلة بينا اخوية العزيز ..نخرب بلدنا بادينا ملتهين واحد يكفر الاخر اواحد يتهم الاخر وكل واحد يكول العراق الي وبس ...اخوية ابو مصطاف لا امريكا ولا غيرها تمنعك لو ردت تبني ميناء او مستشفى او مدرسة ما دام ضمن حدود بلدك وضمن القانون ..لكن اعتب على الي ما يريد يبني ويضيع الفرص فرصة بعد الاخرى وملتهي يحارب بالنيابة عن الغير
تحياتي