|
|
عضو جديد
|
|
رقم العضوية : 67885
|
|
الإنتساب : Sep 2011
|
|
المشاركات : 7
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
حوار مع ناصبي
بتاريخ : 18-11-2011 الساعة : 02:53 PM
تكفرني عله لطمي اشكال بالزنجيل
والقامه حرام ولو زرت بدعه
وعليمن تكـــــــلي دموعك مرازيب
ليل انـــهار تبجي وتلطم وتنعه
وتكلي شصار الك مايمر بيك العيد
مايبـــطل نحيبك لايــجف دمعه
تعال افرش شليلك ﮔلي شنهي تريد
واحجيلك العندي ولازم تسمعه
حقق بالروايه وﮔلــــــب التاريخ
واقره اشكد مصايب شافت البضعه
ماعندك مصيبه بعظم حرك الباب
لاعندك صدر منه انكسر ضلعه
ولاعندك امام مخضب بمحراب
ولاعندك جنــــين يطيح وتودعه
لاعندك ﭼبد بالطشت ماع وذاب
لاعريس بالطف ينطفي شمـعه
ولاعندك صدر فوﮔه تجول الخيل
ولاعندك رضيع من الدمه ترضعه
ولاعندك نحر سلهمت فوﮔه اسهام
وياسهم المثلث بالـــــــــﮔلب يرعه
هم مره سمعت ميت تسلبه الناس
لومـــــــــــيت يموت وينبتر صبعه
لو مره سمعت ﭼف الفضل ﮔطعوه
وشابك رايته وي جـــربته ودرعه
حياتك كلها كلي شفت حرگ خيام
واطفال ونسه مــــــن الذعر تلعه
هم مره اسمعت هدموا ضريح المات
والرايد يزوره الوادم تمـــــــنعه
تجرعنه السموم بعز هجير الصيف
وتنشبنه المرارولازم انجرعــه
هاك احسب مصايب واعرف الاسباب
مصيبه تجر مصيبه و مالهن ﮔطعه
انطينه ميال خايب خلنه نشبع نوح
وخل نشبع لطم ونطينه ورعه
مايبرد جمــــــــــرها الثار اه يالثار
وما ابطل لـــطم لاامسح الدمعه
لما يظهر القائم من اشوفه يطوف
المروه والصفا ويـــكبر ويسعه
واطش روحي بطريجه والرمش ناطور
وحط صدري لصدره حارسه ودرعه
هذيج الساع روحي تبطل من النوح
ويحل ذب السواد اوواجب انزعه
انه بطبع الموالي من ابجي للاهل البيت
مو طبع المرائي الرايد الرفعه
نوحي ما حله بس عله مود حسين
واهل بيته واخوته وصحبته وربعه
ظل بغيضتك دور علل واسباب
اسم حسين بيك يضيگ الوسعه
خادم اهل البيت
حلمي السعد
24/شعبان/1431
| |
|
|
|
|
|
العرض العادي
