[مغوار]

غادرت نوم الليالي,,
وناطرت حلم العمر,,
وعلى اجتاف الهم أحابي
بلهفة الفلاح من يتنه المطر
جذٌب وغيم علينه
وفرح كلوب اليتامى,,
بضحكة حلوة,,
بنظرة تسحر,,
اببجيه تغسل كل قهر,,,,
حتى حزنك ,,
يحلى بعيون الثكالى,,
ودمعتك تروي عطشنا
بيوم كيض الي يمر
رموش كلبك عاصفة,,
وهيجت اكبر بحر,,
وقصتك نجمة تلالي,,
بكلبي تتكسر كسر,,
ويه روج الماي اخذني,,
وضمني باحضان النهر,,
لاهله بيوم التغيب,,
وهله بيوم الي اشوفك وافتخر,,
القوافي ادك تحية,,
من غصن بانك يمر,,
والشوارع تنحنيلك,,
ومن خيالك تنفطر,,
خفف اعلى الناس يسمر,,
من وراك الناس كامت تنتحر,,
ولو ردت ترحم ياغالي,,
لا تباوع,, لا تطالع,,
مو تره اشبع قهر,,
مو تره أشبع قهر,,




ارتجالية بدون تصرف او تنقييج

[ابوتكتم الخير]

المغوار
لقدغرت بكلمات وفكرة وصورة رائعة
ولكن
لو كانت هذه الغارة
بحق الأمام الحسين
أجمل وأروع
أعتذر
مع الود

[مغوار]

ابو تكتم الخير

شكرا كثيرا

الامام الحسين في ضمائرنا واكيد في اشعارنا

تحياتي

[الشاعر حسن خليفه]

اللهم وفق اخي المغوار لخدمه الامام الحسين عليه السلام