[القلب الاسير]

بعد بية شبقة وتتطافر انت ويـــــاي .... خلصت العمر ويـــاك بس ســكتـه

ايست اعلى بعدك مـــــا اضن اتروح .... يــا وكـت الهظم ليش الفرح بكتــه

حرام عليك ابعد عنـــــي اترجــــاك .... يــا لجــورك عليـا ثيـــاب فصلتـــه

انـــه ادري الزمــن دوار دوم يصيــر .... بـس ويــاي ليـش اتعطلت فرتــــه

من عمري الزغيــــر ابـــاول الأيـــام .... حســيت الفرح من المهـد شلتــــه

شلي ويــاك شلك كلـــــي انت ويـاي .... بيت من الحزن خليتنــي وعفتــه

مضيف الام صرت مفتـــح البيبـــان .... وحصيرة هموم ضل واني سـالفته

كهوته جروح كلها مهدرة اعلى النار .... وبس روحي الكهوتك هـي شاربته

صح مــرة نعم بس اجرعت مجبـــور .... يـــالحنضل شـرابك واضح بغصتـه

حتى احلام عيني المـــــا عفته اتطوف .... بمزاد الليل انت اعلى الحلم بعته

سهرت الليــــالي وماردتهـــــا اتنام .... واطيوف الخلك بالضيك حارستـــه

بس ربك كريم واصبر ابقى ويــــــاك .... وامري وعمري كلة الربي سلمتـه

احمد رفيش

[القناص الاول]

احسنت .. بارك الله بك ايها الشاعر الوجداني ..

ارجو حذف حرف التاء المدورة ادناه لانها زائدة تخل بالوزن ، واظن انك كتبتها زائدة وهي ليست من اصل القصيدة اي ( خطأ مطبعي )

مضيف الام صرت مفتـــح البيبـــان .... وحصيرة هموم ضل واني سـالفته

[ابو ظاهر البركي !]

عمت عين الوكت يحمد يجور عليك
وغم رايه لكونه يبعد الردته

قبلك جار وكتي ولبساني اثياب
بس بصبري ثوب الحزن مزكته

واذا لاواني مره وماكدرت عليه
نخيت الكطع جفوفه وكفل اخته


حبيبي ابو حيدر
تقبل ارتجالي


يامبدع

اخوكم
ابو ظاهر البركي

[القلب الاسير]

حبيبي انت ابو ظاهر
والله يخوية تعبنه
تحياتي واشواقي الحارة

[القلب الاسير]

تحياتي للقناص الاول
وشكرا للمرور الكريم