كعده ( مسموم ... مسموم ... الكاظم والله مسموم )

ابوتكتم الخير · بتاريخ : 15-06-2012 الساعة : 09:39 AM

مسموم ... مسموم ... الكاظم والله مسموم

الكاظم من يكيدونه ... بسجن أظلم يخلونه .... الكاظم والله مسموم

*************

هذا نبعة علي حيدر ... وبذرة الزهره الزجيه

بالكرم منهو اليداني ... والنفس والروح أبيه

والعلم مـن جـده أحمد ... والأنوار الهاشـميه

معروف إبدين وعلم

وأمام وذاك أهم

من حسين ماخذله سهم ... وإله الساده الموسويه

أعلام ... أعلام ... والله إجداده أعلام

دين النبي ينشرونه ... بسجن أظلم يخلونه .... الكاظم والله مسموم

*****************

أجه الكاظم من المدينه ... بأمر من هارون الرشيد

مـكيد بطـول المسافـه ... برجلـه وبأيـده الحـديـد

وبسـجـن أظلـم نزلـوه ... الكاظـم بزنزانـه وحيـد

طاموره ما بيها ضوه

بيها النهار والليل سوه

والجسم نحلان وخوه ... وهمه كل لحظه يزيد

مظلوم ... مظلوم .... بسجن وكيد مظلوم

والكاظم يضربونه... بسجن أظلم يخلونه .... الكاظم والله مسموم

****************

وبتله بسجان ظالم ... ما عرف الكاظم وكدره

يضربه بسياط أعله وجهه ...وشكبره الكاظم صيره

ولاكدر واحد يزوره ... وشيعته تنتظر أمر

من الكاظم وصلهم خبر

الملتقى إعله الجسر

والشيعه كلها تنتظر ... هل الخبر كل شيعي سره

واعدهم ... واعدهم ...إعله الجسر واعدهم

والكاظم يشوفونه .... بسجن أظلم يخلونه .... الكاظم والله مسموم

****************

عل الجسر جثة الكاظم ... حماميل أربعه تشيعه

وينلدي عليه المنادي ... بصوته والوادم تسمعه

خلصت الكاظم حياته ... بالسجن واليوم جمعه

هذا أمام الرافضه

بالسجن كل عمره كظه

هل الصوت بعنان الفضه ... والظلم هو هذا طبعه

مطروح ... مطروح ... فوك الجسر مطروح

ناده عل اليشيعونه .... بسجن أظلم يخلونه .... الكاظم والله مسموم

***************

عل الجسر إلتمت الوادم ... ويفحص الدكتور جسمه

شافه متغير وناحل ... وشاحب من أثر سمه

صاحب الجثه الغريبه ... وين أخوته وين عمه

إكشفه الدكتور وسأل

هل الجثه ما الها أهل

بالسم وافه الأجل ... وينه اليطلب بدمه

مطعون ... مطعون ... ناحل جسمه مطعون

شاحب جسمه ولونه ... بسجن أظلم يخلونه .... الكاظم والله مسموم

****************

وحضر سلمان أبن عمه ... وأخذ جثته من العسكر

شالته الغيره وتحرك ... دمه عل الكاظم مشكر

لكن الوذرو جسمه ... وكطعو من الكفه المنحر

منهو الشاله وغسله

ولا واحد الينغر من هله

ظلت الجثه بكربله ... مجفنه بالرمل والحر

مذبوح ... مذبوح ... من الكفه مذبوح

بالذاري يجفنونه ... بسجن أظلم يخلونه .... الكاظم والله مسموم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

ابوتكتم الخير

قاسم طاهر القاسمي (23 / رجب / 1433 )

ابو ياسر الكعبي · بتاريخ : 15-06-2012 الساعة : 11:18 AM

لله درك أبا تكتم وانت ترثي باب الحوائج

احسنت وأبلغت
عظم الله لكم الأجر بشهادة موسى بن جعفر الكاظم
تقبل مروري البسيط

ابوتكتم الخير · بتاريخ : 15-06-2012 الساعة : 06:04 PM

شاعر الحسين
ابوياسر الكعبي
عظم الله لكم الأجر
وشفع لكم كاظم الغيظ علي السلام
من القلب الشكر والأمتنان
دعائي

احمد آل مسيلم · بتاريخ : 15-06-2012 الساعة : 06:19 PM

ابو محمد .. عظم الله لك الأجر ..وأثابك عن كل حرف ما يشاء هو وحده
ابداع فوق ما تستطيع حروفي وصفه ..
فكنت بحق ترسم صورة الحزن شعرا
وفقك الله لكل خير...
وأدام الله هذا المداد الولائي
تقديري وودي

مصحح المسار · بتاريخ : 15-06-2012 الساعة : 06:37 PM

اللهم تقبل من عبدك وخادم أهل بيت نبيك

ابوتكتم الخير
قاسم طاهر القاسمي

بأحسن قبول
اللهم صل على محمد وآل محمد في أوله
وآخره

ابو يعرب الجنابي · بتاريخ : 16-06-2012 الساعة : 10:46 AM

ابو تكتم الخير
عظم الله لك الخيربمصاب راهب آل محمد عليهم السلام
نعيت وصدحت بصوت المصيبة فأجدت
وفقك الله

ابوتكتم الخير · بتاريخ : 16-06-2012 الساعة : 05:59 PM

ابو يعرب الشاعر
عظم الله لكطم الأجر وسدد خطاكم
مروركم على بساطته شرف لنا أيها الغالي
لك الدعاء

ابوتكتم الخير · بتاريخ : 17-06-2012 الساعة : 05:38 PM

اقتباس : المشاركة الأصلية كتبت بواسطة احمد آل مسيلم [ مشاهدة المشاركة ]

ابو محمد .. عظم الله لك الأجر ..وأثابك عن كل حرف ما يشاء هو وحده
ابداع فوق ما تستطيع حروفي وصفه ..
فكنت بحق ترسم صورة الحزن شعرا
وفقك الله لكل خير...
وأدام الله هذا المداد الولائي
تقديري وودي

الكتور ابوهاشم المحترم
لكم عظيم الأجر
يسعدني حضوركم الائم هنا
وكل هذا لكم الفضل به ومتابعته فهو أبداع لكم سيدي
ودي

ابوتكتم الخير · بتاريخ : 18-06-2012 الساعة : 05:25 PM

اللهم تقبل من عبدك وخادم أهل بيت نبيك

ابوتكتم الخير
قاسم طاهر القاسمي

بأحسن قبول
اللهم صل على محمد وآل محمد في أوله
وآخره
مصحح المسار
مرور يبث في متصفحي العبق وينشر الود
يحفظكم الله ويوفقكم لك خير
تحياتي

ابوعباس 6 · بتاريخ : 19-06-2012 الساعة : 09:31 AM

عظم الله لكم الأجر
بأستشهاد كاظم الغيظ
موفق ابوتكتم
تحياتي