صور من يوم الطفوف = خلي هالعالم يشوف
حبرهُا فيض الدماء = من نحور الشهداء
خلي هالعالم يشوف
---------
يوم عاشر من محرم يوم فاصل بالحياة =قدم حسين الشهاده ويه اصحابه الإباة
حسين بالاكبر عزيزه فتح باب التضحيات =هذا عنوان الكرامه من سليل المكرمات
حينما الأكبرُ جاء = نحو ميدان اللقاء
صاح من سيفي الحتوف = خلي هالعالم يشوف
-------
يا علي الأكبر جهادك من جهاد المرسلين =انته يبن حسين امه ثارت عله الظالمين
ومن نزف دمك تفجر بينه بركان اليقين =شــگــد عظيم وسامي انته يا علي بن الحسين
ياسليلَ الاولياء = يامنار الاتقياء
شلون طشرت الصفوف = خلي هالعالم يشوف
-------
توهمت بيك العساكر يوم شافتك تكر =بداحي البيبان جدك ضنتك فارس بدر
حقهه تتوهم يالاكبر ويلتبس عدهه الامر=وهي صفين العدتهه بنار سيفك تستعر
وجيوشُ الأدعياء = حاقها خسف السماء
ومن نزل صاح الخسوف = خلي هالعالم يشوف
-------
الموت من سيفك عليهم صاعقة عاد وثمود=فرت وتيهت دربهه العساكر والجنود
وبكر بن غانم هديه جبته يا شبل الاسود=مثل حيدر من تعنه وجاب بن ود الحقود
يال نعم الانتماء = من وصي الانبياء
يلي لاويت السيوف = خلي هالعالم يشوف
-------
صوره طبق الهادي انته صاغهه الرب الجليل=ولك ميراث الشجاعه من علي حامي الدخيل
هيبتك هيبة محمد يا علي ومالك مثيل=والمنايه الي خضتهه تبقى للعالم دليل
انه سفر الفداء = وهو منهاج الإباء
انكتب باعظم حروف = خلي هالعالم يشوف
-------
يا علي جذوة مصابك ابد ما تطفه وتهيد=من طحت والخد تعفر مخضب بدم الوريد
طحت قربان الرساله الي حاربهه يزيد=وصرت دمعه لكل موالي ياشهيد بن الشهيد
ان دمعي والبكاء = نبعه في كربلاء
قبله انته ومن نطوف = خلي هالعالم يشوف
هيبتك هيبة محمد - من الشعر الملمع
العرض العادي
