[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

أهـــــلا يحامـــي الحمــــه ( لولادة أبي الحسنيين عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ياراعــــــي الغانمه === أهلا يحامي الحمه
أهـــــلا يمــــولاي
ــــــــــــــــــــــــــــــــــــــــــــــــــ ـــــــــــــــــــــ
كـُل النفوس إبفرح == تستقبل الجاي
نادت هـَلـَه إو مـَرْحـَبـَه == بأنـــــوار مولاي
وإبيوم حيدر علـــــــــي == كـُل فرحتي هاي
لعقد حفل للصبـــــــح == وأهتف يـَحـَمـّاي
فرحت تنادي السمه === أهلا يحامـــي الحمه
أهـــــلا يمــــولاي
ــ
ينتظرك المصطفـــى == مولانه فرحان
يوم الولاده عطر == للفرحه عنوان
بيت الله بيك إنبهر == ياعالـــي الشان
والبيت محني إنفتـــح == من مولدك حان
وأمـّك زهت فاطمه === أهلا يحامــي الحمه
أهـــــلا يمــــولاي
ـــ
عشگـــه يظل للأبد == مـَيـْفارگ الروح
وإيطيب بيه الألــــم == تـِتــْشافه الجروح
يلبيك داء إو مرض == وإتريده إيروح
إنخاه يابو الحســــن == بس يمـّك البوح
إنخاه روحي إبظمه === أهلا يحامــــي الحمه
أهـــــلا يمــــولاي
ــــ
رغما على الناصبي == نهتف يكــــــــرّار
وإنغيض بــِسـْمـَه العدو == وإنغيـــــض الأشرار
وإيظل ولاءه نغـــم == بگلوب الأحرار
عنوان للرافضـــــــــي == حيدر علي صار
كـُل مـَن يـُبـُغـْضك عـِمـَه === أهلا يحامـــــــــــي الحمه
أهـــــلا يمــــولاي
ــــــ
نعمة إلهــــــــــي علي == حيدر أبو إحسين
فرحان بيه المــُحب == يفديله العيـــــــن
للأمه حيدر حصــــــن == يمحي علي البين
والحق يباري علـي == ويـّاه كـُل حين
والحق يشع مـَبـْسـِمـَه === أهلا يحامـــــــي الحمه
أهـــــلا يمــــولاي
ـــ
ياسيف ما ينثني == يامنبـــــع الزود
ياروح بس تنحني == للخالــــــق إبجود
يانور ما ينطفي == بالكــون موجود
ياليث ما ينغلــُب == وإبزوده مشهود
روحك علي سالمه === أهلا يحامــــي الحمه
أهـــــلا يمــــولاي
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldcyk64364.mp3.html

[عبدالله خلف العتابي]

السلام عليكم
شاعرنا الكبير
جابر النجفي
اسمح لي اولا ان انحني اجلالا امام بوح قلمك المبدع والخلاب
واتشرف بان اقرا قصائدك وانهل من فيض حروفها الجميله
واقول
رايت جابري في النوم لابسا
في الحلم وشاح الشعر في الادب
تحياتي لك ياجابر
تلميذك الصغير
عبدالله العتابي