[ابو معاد النجفي]

علي المادنك الهامه علي
علي الاملاك خدامه..علي

صيح واندب بشده..سيفه الدهر لوحده
وحده القادر يرده..كل الكون بابهامه..علي

لومره الدهر وازاك..حيل بمحنته ضكاك
تدري بسرعه من يلفاك..ساعة تذكر حسامه..علي

اطلب طلبتك مرتين..وحده للحسن وحسين
والزهره وضي العين..ابدا ماينسه خدامه..علي علي

اعبر يالموالي ابحور..خل الجنه بينه تنور
كلبك خل يظل مسرور..علي يحققلك احلامه..علي علي

اعلن بعيت هاليوم.. كلبك لايظل مندوم
هم تنفع صلاة وصوم..وشال بصدره اوسامه..علي

علنه البيعه من اسنين..بحب الزهره والحسنين
احنه اللي ننول اثنين.حب الباري وامامه.علي

ماهمنه الجره والصار..اليوم انبايع المختار
بيعة حيدره الكرار..اليوم وندخل احرامه..علي

خل الذكره بينه تعود..ونرجع الغدير اردود
يوم الشاهد ومشهود..ياهو الاول اسلامه..علي

تروح وترجع الايام..نعيد الذكره بكل عام
ياهو الحطم الاصنام..بيده حطم اصنامه..علي

حطم هبل والعزه..وراس الكفر من حزه
الرسول الله من دزه..منهو النام بمنامه..علي


خادم اهل البيت
ابو علي السعيدي