[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

آلام زينب في العيد ( تجليبه في إستشهاد الكرار عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
گلبــي إوياه فارگ روحـي === والحسرات تدمي إجروحي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
إجـَه العيد إو أبونه غابت إرسومــــه == عفاها الروح صبرت عالجره إبيومه
ــــ
عفاها الروح صبرت عالجره الحيـــــدر == من شافت جبينه إمن الدِمـَه إتــْعـَطــّر
نزل سيف الغدر عالراس وإتـــْطــَبــّر == مـُضه الوالد علي ما تــَمْمـِه الصومه
ـــــــ
مـُضه الوالد علي والعيد عالأبـــــــواب == شلون أفرح حزن يملي الگلب وإنعاب
يتامه إتصيح والدنه علينه غاب == فگـدناه إو علينه ضاعت إعلومه
ـــــ
فگـدناه إو فرح ماظل بعد بالعيــد == والدلاّل من وَنـــّه أبد مــَيــْهيد
بعد عين الأبو فرحه أبد مــَيــْريد == لفــــاه الضيم بالآهات ظل دومه
ــــــ
لفاها الضيم روحي إو شافــــــت الآلام == من شفت الولي والطبره فوگ الهام
صحت راح الأبو ما تــَمـّــــــت الأحلام == فز گلبي إو نهض مخطوف من نومه
ــــــــــ
فز گلبي إو نزف دم عالجره والصار == غـــــدر طبروا أبونه حيدر الكرار
غده الدين إبمصابه هايم إو محتــــــــــار == مــُضه حيدر هذاك التــُعـْرُفــَه الحومه
ــــــ
مــُضه حيدر أمـُر صار إو گضه المحتوم == بچـــــاه السيف والمنبر بگه المهموم
فـــــــاز المرتضـــــه نال اليريــــــده دوم == شهاده إو بالـــدِمــَه إتخضـّب ختم يومه
ـــ
شهاده إو بالدِمــَه إتخضــّب أمير الناس == حــط إيدي علي إبأيد الوفي العباس
أخوي إو أدري بالطيبات ما ينقاس == ما يقبل أظل لحظات مهمومه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldyte95618.mp3.html

[عدنان منعم]

ربي وفق خدمة الحسين وارفع من مكانهم بحق الزهراء موفق استاذنه

[حسين ال دخيل]

شاعرنه الكبير
احسنت بارك الله فيك
في ميزان حسناتك

[جابر النجفي]

اقتباس : المشاركة الأصلية كتبت بواسطة عدنان منعم [ مشاهدة المشاركة ]

ربي وفق خدمة الحسين وارفع من مكانهم بحق الزهراء موفق استاذنه

ــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز عدنان منعم
اشكرك ثبتك الله على ولاية ابي الحسنيين عليه السلام

[جابر النجفي]

اقتباس : المشاركة الأصلية كتبت بواسطة حسين ال دخيل [ مشاهدة المشاركة ]

شاعرنه الكبير احسنت بارك الله فيك في ميزان حسناتك

ـــــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز حسين
اشكرك وفقك الله للثبات على ولاية ابي الحسنيين
عليه السلام