[عبدالله خلف العتابي]

جرحك ياعلي+++ثارات الولي
بيه النبي حزنان+++جرحك ياعلي
_______________
جنت انشد امن الناس+++شنهي المصيبه
ناداني هذا الصوت+++واسمع نحيبه
تدري النبي شيكول+++والسر حبيبه
من هالليالي++راحت امالي
سر كلب كل حزنان+++جرحك ياعلي
_______________
لمّن سمعت النوح+++من هاي النجوم
يادمع صُب ناديت+++من الكلب دوم
واهمل دمع حزنان+++لتهم على النوم
من هالولايه+++نور الهدايه
سر كلب كل مهموم+++جرحك ياعلي
________________
تدري ابعلي اشلون+++يو لا متدري
مثل الشمس بالكون+++والكمر يدري
اصرخ اونوح اعليه+++والقدر يجري
هاي الولايه+++مكتوبه ايه
اوبي واية القران+++جرحك ياعلي
_____________
جنت اون امن الكلب+++والولم يسري
اون او اصرخ اعليه +++والدمع يجري
ناداني هذا الشهر+++والكلب يدري
المحراب منك +++اويخبرني عنك
سر حزن كل جعفري+++جرحك ياعلي
______________
تدري الحسن شيكول+++والهم يذبحه
شبّهت روحي الطير +++يصفك ابجنحه
ناداني هذا الحيد+++ موهسة ذبحه
ناداني جدّك+++ماسور عندك
والحكمه والقران+++جرحك ياعلي
______________
يواسي الحسن ايريد+++كلبي ابدمعته
الحاضر سمع والمات+++يسمع دمعته
كل محب ثارك صار+++ذمة ابركبته
وهم الجعفري+++ثارك ياعلي
هم ثار كل جعفري+++جرحك ياعلي

___بقلمي___
خادم اهل البيت(ع)
عبدالله العتابي

[صفاء العامري]

شكرا لك اخي العتابي

[صفاء العامري]

ياامير المؤمنين

[عبدالله خلف العتابي]

السلام عليكم
العزيز والغالي
صفاء العامري
مرورك زاد الموضوع بهجة وزادني شرفا واشكر لك متابعة مواضيعي ولاتستغرب ان قلت انك الوحيد ولكن مرورك يكفي عندي وزياده
واسال الله ان يحفظك ويرعاك
تلميذك المبتدا
عبدالله العتابي