امي يا سورة حمد وي كل صلاة
فرض واجب کون بس نـــقراها؛
امــي كعبه وبيها قدســــــــيّة اله؛
انطوف بيها و نلتــــجئ بحماها؛
امـــي يا اعظم مره ابكل الوجود؛
امي بــــس ربنا العرف معنـــاها؛
امي لو تدعي تفز كل الســـــماء؛
ويســـــتجيب الله الدمع دعــواها؛
امي شيبــــــة راسـها اتهد الجبال؛
رغم هذا ومــــا شــــــكت بلواها؛
امي ما تبچي ابعسر لو مرها عوز؛
ولا تعب هذا الوكـــت بــــچّاهــــا؛
امـــــي مزوية كرامه ابكل مكان؛
وين ما تمشــــــي الكرامه اوياها؛
امـــــــي ماذلت ابد رغم العذاب؛
كســـــرة الضيم ابصبر من ياها؛
امـــــي يا شمعة امل دايم تذوب؛
اشــما طفت نور الصبر ضـــوّاها
امي اطهر من طهر ماي الوضوء؛
الله من طيــــــــن الخلد ســـوّاها؛
امي ديوان الكرم بنت الإصــول؛
ايفيــض ما جف بالكرم يمــناها؛
امــي گلب الجام عدها الكل فقير؛
ينكـــــــــسر كلما اجه و نــاداها؛
امي مدرســـة الوفه ابهذا الزمان؛
درّســتنا الغيره ما ننســــــــــاها؛
امي من تمشي النهر يوگف حياء؛
امي لو تدعي تفز كل الســـــماء؛
ويســـــتجيب الله الدمع دعــواها؛
امي شيبــــــة راسـها اتهد الجبال؛
رغم هذا ومــــا شــــــكت بلواها؛
بوركت أختي جوهرة ،، وبارك الله بالشاعر الناظم للقصيدة ..
ورحم الله أمهاتنا في ظل عرش الله
مع الود والتحية
هاي امي
العرض العادي
