[اياد الفرح]

عاشك حسين ومجنون ومـن كـربله عـنـواني
وكلما يجـيني عـاشـور دمعـة وجـرح يلـكـاني
.......
ساكـن دليلي بحشاي حبه شغـفـني بسحـره
وجمرات احس بكلبي ما تطفه ابـد مستعـره
كلما يجـيني عـاشـور يكبـر لـهيـب الجمـره
للطــف اجـت متعـنيه تبجي وتحـن الزهـره
ينزف ضلعهه ملجوم يم خنصرة ويم نحـره
تـنعه لابنهه المظلوم والعرش ينعه بحسرة
حـالك صعب بـجـاني دمعـة وجـرح يلكاني
......
يحسين انه من الزغر الهج حروفـك والاسم
وشفـافي دوم اتقـبـلك اسمك ثغـر بـيه ارسم
واسالهن نجوم السمه جنك سمه وبيك النجم
والناكـر الـكـم سـيـدي يستاهل ايصيبة الرجم
يحسين الطم مـن احن واتخيل بجسمـك سهم
وعباس شفت عالـنهر ماعنده جـود ولا عـلم
عالمشرعة شي ثـاني دمعـة وجـرح يلـكاني
........
هاي الـولاية يحـسيـن بـيـك الله مـن ودعـهه
بعطرك امامة أتشرفت وانت بشـرف جامعهه
لـولاك الفـرض ما تـم يلي صـرت مـرجعـهه
رب العـرش مختـارك صـدرك امم يـوسعهه
تنصـر دينه بمهجـتك واهـل الظلـم تـردعهه
رحمة عـزيـز وقيـوم بالـطـف الـك منـبعـهه
بـسمك يكـبـر ايـماني دمعـة وجـرح يلـكاني
......
عابس يمك من انجن عاشر شخصك وتأثر
عابس لمن اده فنون راد بحبـك بـس يثـأر
انه ابدا لا ما حبيـت لن الحب يزغر يكبر
وبكلبي الـكم سـويت بعـظـامي لاجلك منبر
يقرالـك نبضه وينعه يكتب شريانه الابهر
تبجيلك كــل احـشائه يطبرلك فصه الايسر
تطبرني تهيج احزاني دمعـة وجرح يلكاني
.......
افديك بروحي واهلي بيك انجن كل جنوني
الـوادم كـامـت تسـأل خـادم انته يسألــوني
كـتـلهم عــنـدك خادم وكتلهم مـا صدكـوني
كـل خـادم لازم ينـذل وبهيبه وعـز شافوني
كالولي شلون تخدمه فكرو عود يحرجوني
كتـلهم الـطـم وابـجي واجريلك ماي عيوني
يـوم العـاشر خـلاني دمعـة وجـرح يلكاني
.......
الخادم
اياد الفرح

[عبدالله خلف العتابي]

السلام عليكم
الشاعر القدير
اياد الفرح
عيد سعيد وبالتوفيق ادعو لك وللعائله
وادام الله حبّك للحسين(ع) ورزقك شفاعته
يوم لا ينفع مال ولا بنون تقبل مروري
تلميذك المبتدا
عبدالله العتابي