[خالد محمد مهدي]

(( أمل التغيير ))

كَربت النهايه وخلصت الايام

راح أنوَّدع النواب لارجعه

نجيب وجوه طيبه بطيب أهالينه

والغشنه ونكث بالواعد أنوكَعه

أروح أنتخب ورسم حلم للأيام

وبشّر كَلبي لاكن كَلبي شيقنعه

راح الراح لارد زينه لاشينه

ومن مال الشعب أشبايك أندفعه

صار الظيم شجرة شوك غطّانه

وكل يوم السياسي طالع أبّدعه

مومعقوله نبقه أنطاطي بالسكته

وسفه أعله العراقي راسه ميرفعه

ثلآث محاور أتقسم وطنَّه اليوم

شيعي سنّي كردي أيتاجر بربعه

شوكت جروحنه تلتم تجر أنفاس

الوطن تاريخ شامخ أبد مو سلعه

نريد الغيره تصرخ بالضمير اليوم

ويالون البنفسج أمسح الدمعه

على كل قائمه بعيني اعاين زين

هم نفس الوجوه الخاينه وربعه

يخوتي هاي ذمًّه ألمن نسلّمهه

ومن يحمل أمانة وطن ميضيعه

صنادك السلامه بخور أبخّرهن

نفعنه الوطن يامه ولازم أنفعه

بالك هاي فرصه انته الحكم بيهه

وأذا جبت النذل للكرسي شيقلعه

بعد ميفيد عض أصبع ندامه أردود

تبحنه الوطن بيدك وانته لتشيعه