سميني سميني

ابوتكتم الخير · بتاريخ : 05-06-2014 الساعة : 06:32 PM

سميني سميني ... شيعي بحبي لحسين
هنيني هنيني ... اليوم بمولد اثنين
بحسين وعضيده ... الشال الرايه بيده
*******
سميني شيعي بحبي للمظلوم
واكتبني يمك رافضي من اليوم
من اصل آدم الرفض للآخره ايدوم
حب الوصي وحب الأهل يجري بالدموم
يرويني يرويني ... حبك حامي الجار
يحميني يحميني ... باجر من لظه النار
وتدريني اريده ... الشال الرايه بيده
*********
هنيني بولادة ابو فاضل العباس
اصل الأبه والمفخره مابين الناس
صاحب لواء المعرفه والغيره والباس
يحضرني ابيوم الشدد يروني الكاس
بحساسه بحساسه ... كل شيعي يحضره
عباسه عباسه ... وحسين الينظره
ونهنيه بعيده ... الشال الرايه بيده
***********
اكتب انه حب الحسين آيه
بعباس حبي مطرزه الرافع الرايه
هذا قسم امررده وموقعه بدمايه
لحسين خالص للأبد ماالي بيه غايه
اقدمله اقدمله ... كل حبي وحنيني
اكتبله اكتبله ... نذرت الكم سنيني
للقدم وريده ... الشال الرايه بيده
********
بشعبان هنـينـي بولادتهم
اهل بيت الرساله احسين اولهم
بعباس والأكبر وساجدهم
والمهدي الموعود غايبهم
بالمهدي بالمهدي... يوم 15 مولود
ياوعدي ياوعدي... يمته انشوفه الموعود
والمهدي عقيده ... الشال الرايه بيده
********
سميني انته باي اسم شتريد
يبقه نبض حب الحسين ايزيد
شعبان بيه الفرح بيه العيد
بيه الفرح يمله السمه والبيد
شعباني شعباني... بيه اولادة الأطهار
ايماني ايماني... بيه لعتره المختار
ولحيدر ازيده ... الشال الرايه بيده
*******
قاسم طاهر القاسمي