[خالد محمد مهدي]

جواب الموالي للنوِاصب

****************

اداوي جروحي صار سنين ما تلتـــــم** الجرح ويَ العهد يوميـه يتجدد

تدّور عيوني بين الناس ماتلكـــــــــاك** موكد كلبي صاروحبك اليشهد

يل بين الزلم من نعد أوّلهـــــــــــــــــا** وثاني الناس من بعد النبــي تنعد

جبتها الروح بردانه تريد دفـــــــــــاك** وتحت كبتك يبو الحسين ماتبرد

بردا وسلاما من تطب صحنـــــــــــك** وذا طبَّت النــــار النــار تتجمد

رجع بيها العهد يم عالــــــــم الارواح** من جانت ورك بالشجــره نتعبَّد

حبَّك كبر بيها ومايها الكوثــــــــــــــر** واليشرب الكوثر يعنــــي يتخلَّد

صك غفران تاخذ ياعلــــــــــي بحبك** من أيدك وسام الجنَّــــــــه تتقلَّد

يالكرار بيك هواي لامونـــــــــــــــــه** ونكلَّه اللآيم أسألنـــــــــه لتتردد

وذا تسألنه ليش نحب علينـــــــه وبس** نجاوب بالحقيقه وتظــــل تتمرَّد

علي للدين سيف وراية الايمــــــــان** هارون الرسول المصطفى أحمد

علي أطيب كلب مملي بحنان الكـون** كفوالزهراء من وجها الفجر ورَّد

علي بدر واحد خيبره والاحــــــزاب ** فنَّك تعد غيره بالشجاعه أحَّــــد

علي هوَّه الشجاعه ويمنتـــــه القدره ** وكل الزلم من صولاتـــــه تتلبد

علي بالطاعــــه قدوه سيد العبّـــــــاد** وشيلة جفَّه عند الباري ماتنـرد

علي جفّينه زاد وخبزة الايتــــــــــام** وبابه باب طه أبـــــــــد ماتنسد

علي القران والانجيــــــل والتورات** موازين العدالـــــــه يمَّه تتوحد

علي رد الشمس والباب قالعهــــــــا** خاف الخوف منَّه وكلبه متردد

علي من يبغضه ماينعرف أصـــــله** والشيطان أله بكـل عمل يتجسَّد

المنافق سنّه يضحك والكلب يبجـــي ** أعرفها بمحبته النطفـــــه تتحدد

جوابي هذا أسمعه اليوم والباجــــــر** بسفينة نوح لحِّك ياأخي وأصعد

[سفينة البحار]

احسنت ... احسنت
جعلنا الله واياكم من الراكبين بسفينة النجاة
ولاية محمد وآله الاطهار

[خالد محمد مهدي]

ايامكم سعيده بعيد الولايه الحيدريه الاغر
ينعاد عليكم بكل خير ويمن وبركه انتم وذويكم بحق أمير المؤنين
صاحب البيعه الكبرى علي ابن ابي طالب عليه السلام
شكرا لفيضكم العذب
لاتنسونا بالدعاء للشفاء
شكرا // ممنون