[الكعبي ابو ياسر]

يحكّام العرب ياصنعة إسرائيل .....
أطلع المخفي كلّه امن أرد أحاسبكم

آنه إبن القلع باب الحصن , والموت.....

آنه الطينتي معجونه بالكرار.....
وانتو الّي بعُمَر معجونه طينتكم

لآمرلي إبجماجمكم صنعت أفياي .....
وخيّم صفّيتها إمن اجلود داعشكم

دُوَل ضدّي اوكفت مادنّكيت الراس.....
أنه الوحدي وأقاتل كل جحافلكم

خانتني , نعم , بعض السياسيين......
إلبست ثوب الخيانه من مذلّتكم

إنصبت , بس ماطحت علّيت فوك الغيم ....
وبجدام التبختر دست هامتكم

أنه الفاطك ازمور التفك عالبارود......
إمن يأشر إبهامي أعلن قيامتكم

تكوم الساعه واحصي إعليكم الأنفاس....
وقبل الآخره بالدنيا أحاسبكم

محشركم أنه , ومُنكر إجه ويّاي.....
وجهنّم حاضره وتنتظر جيّتكم

جنت منتظر فتوى , إتصل صليل الموت....
تحزّمني وأشك احلوك خسّتكم

هسه الفتوى بيدي وعندي ملك الموت ....
جندي اتطوّع يحوم ابمنيّتكم

تعرفوني , إمن أمس من يوم قلع الباب....
ودراسكم أنه وحافظ سقيفتكم

"
تحيتي وودّي للمارين هنا
ومحبّتي لسفينة البحار