[قاسم حتروش]

باجر * وين انطي وجهي لو طلع * باجر
كــــــلبي بأخوتي ينصدع * باجر
وأبقــــه بمناحة وبالدمع * باجر
******
لــو فجر باجر طلع وأشرق صباحه
ليله ما ينصفنـي لـــــو أسدل جناحه
يصيبني بسهــــام غدره بكل وقاحه
بلوعه أبقــــــه وليعاشــرني المناحه
وضعي * لــــــو حل ظلامه يختلف * وضعي
من بعد أخوتي شكد كلف * وضعي
بنار المصيبـــــــــة أنلجع * باجــــر
********
هيبتي باجـر تروح احتــــــار بـمري
من بعد عين الكفيــل وحامــي خدري
والمدامع تبقـــــه خلي بطــول دهري
ريت موتي يحل عليه كبــــــل فجري
عمري * مـــــا ريده مـن بعد الأهل * عمري
وحده كبــــــل اهلي وصل * عمري
ولتشوف عيني لهل وضع * بــاجر
******
باجر بطلعت صبــاحـه أهلي صرعه
شلون حالي بعد أخوتي شلون أجرعه
وشمر من بعد الكفيل الضعـنـي يرعه
لو ضربني أو شتمنـــــي منـو يردعه
مدري * وين انطي وجهي يا كتر * مدري
يـــــرضاها حماي الخدر * مدري
وأتمنـــــه حاضر يستمع * بــاجر
********
باجر بلا خيم نبقه بــلايه والي
والبراري مسكني أنـي وعيالي
بعد ما نفكد الاحبــــه والغوالي
وعيني تبقه عاليتامه هذا حالي
حارت * أطفال تسكـن بالفلـه * حارت
ضاكت عليهم كربله * حارت
وبعد الفجيعة أنفجع * بــاجر
*******
عالهزل باجر يودوني سبيــــــه
والحبال تلوح ويجتفون أديــــــه
بهذا وضعي الناس تتفـرج عليه
وصوتي ينده وينكم يهل الحميه
صوتي * عــــــــــــالي ولا واحد اله * صوتي
يصيح عله خوتي ومعوله * صوتي
ويتلفت عليـــــــــــه الجمع * بـــاجر
*********
كوم يالمحجوب انظـــــر حــال زينب
وحيده ضلت بس يتامه وكـــلب يلهب
من الطفوف عليك نادت اكرب اكرب
وسيف ذوالفقار جيبه الشطر مــرحب
ثارك * اخـذه بيمينك وانتصر * ثارك
لليوم بـاقي ينتظــــــر * ثارك
وعيد العداله والشرع * باجر




الشاعر
خادم الحسين (ع)
قاسم حتروش البلداوي
أسألكم الدعاء