[عباس طريم]

الظلم مذموم في كل الديانات
_________________

عباس طريم / اريزونا
_

الظلم مذموم في كل الديانات
والله ايكول اصحابه
ابجهنم
+
تاكد دوم في كل الرسالات
بان العدل والانصاف
مغنم
+
اريد الناس تسمع مني ابيات
شعر , ولما علم بالصار
يعلم
+
واريد اسأل عساني اسمع جوابات
تزيل امن الكلوب الهم
والغم
+
الوطن طعنوه مجموعة حثالات
وغزوه اهل اللحايه ابليل
اظلم
+
زرعوا موت في كل اتجاهات
وجرت ارض العراق انهار
من دم
+
بطوله الغدر عدوه , وانتصارات
وبعظهم كال للمعتدي
تسلم
+
وطعنهم بالظهر سموه مهارات
حته ابليس من عده
ايتعلم
+
وطنه اليوم يتعرض الهزات
يضحك , بس نلاحظ
سحنت الهم
+
العراق البيه الاف المزارات
الله ايكول من كل سهم
يسلم
+
فوارس عدنه في يوم الملمات
واحدهم بلا اسلاح
يتقدم
+
عدنه الجيش حاضر للمهمات
وعدنه الحشد للكلفات
ياعم
+
وعشاير عدنه لو شالت الرايات
وصالت بالسيوف , العدو
سلم
+
عراق وبيه اسود, اتخسه الشمات
وابشرك مهما صار, الشمل
يلتم
+
ليوث البيه فعلا , مو شعارات
يسوون اليجيهم قطعه
من دم
+
هاي ارض الحسين الكال هيهات
منا الذل, واشوف الموت
اكرم
+
هاي امن القدم ارض البطولات
ارض حيدر اليوصل يمهه
يندم
+
يالتزفون كل ساعه انتصارات
وغير الوطن متريدون
مغنم
+
بالغربة وكلبنه اوياكم ايبات
وتردون ابنصر عالعدو
نحلم
+
اوياكم بالقصايد والمقالات
وبالدعوات من الكلب
والفم
+
ما يفهم ابد من يعبد اللات
بنصال ارماحكم خلوه
يفهم
+
ويعرف بالضبط معنه الموالات
ومعنه التضحيه البالروح
والدم
+
ومعنه المن اجل حب الوطن مات
وصار ابدين شرع الله
اكرم
+
اسود ارجالنه وطبوا الجبهات
وعدوهم كل نهاره صار
اظلم
+