|
|
مشرف المنتدى الثقافي
|
|
رقم العضوية : 68149
|
|
الإنتساب : Sep 2011
|
|
المشاركات : 6,625
|
|
بمعدل : 1.38 يوميا
|
|
|
|
|
|
المنتدى :
المنتدى الثقافي
مهد الطفل
بتاريخ : 03-09-2019 الساعة : 02:44 AM
بقلمي جعفر ملا عبد المندلاوي
3محرم 1441هـ ::3ايلول 2019م
مهد الطفل حن وارتفع ونّاته ==== وسط الخيم ظلت ترد آهاته يبـﭽـــي يون طول الوكت ساعاته = قاسي العطش من تنحسب لهفاته عبدالله يبني والمهد يبـﭽيلك == دم لو دمع لو لحظة عنه انشيلك وده الفرات بسيله لو يهديلك = من راح ابو اليمه وطلب قطراته مهدك يتاني لا تخيِّب ظنّه = كل الآماني الحلوة بيك اتمنّه يبني يروح الروح بيك أتهنه = عاشر محرم هل إجه بلوعاته حن وانذهل مهد الطفل من شاله = بيده السبط للحومه راح بحاله يطلب يريد الشربة حتى وشاله = رمية سهم جته وحصل مأساته يبني عليك گليبي تسعر ناره = ثاري الوكت ضاملنه هاي أقداره شَنَّوا على الطفل الرضيع الغارة = قوس الغدر يغتاله برمياته ضامي الطفل من العطش يوميله = يا يابه ذابت جبدتي يشكيله وبثوبه ظل احسين ديفيي له = ما ضاگ قطرة ماي يا حسراته ظل المهد خالي ويحن الروحك = ياريت گلبي انصاب دون اجروحك ترفه حياتك مرمرتني ابنوحك = شبه الورد وترش علي زخاته يا كلّ حياتي رجوتي آمالي ==== ظنيت من بعد الكبر تبرالي ما حسبّت طف كربلا يالغالي = سهمه يصيبك بالضلع حزّاته حتى المهد يسأل عليك اشلونه = من العطش خافن تبدّل لونه هاي العدا وجيوشها الملعونه = تذبح وليدي والدمه دمعاته يم الطفل بالخيمة بس لوليله = لو لحظة يغفه هالمهد هالليله بالجنة مهدك يلولد نحجيله === ويه الحبايب والاهل هزّاته گلب الحسين المنجرح كل ساعة = حنّ الرضيع اليشهگ باوجاعه والروح من فقد الولد ملتاعه = واحسن قتل في الله يا محلاته صوت العقيلة والسبط يسمعها = وصّاها لمن بالحرب ودّعها صبرا على أمرٍ جرى يقنعها = هذا الامر من العرش نبعاته
| |
|
|
|
|
|
العرض العادي
