..(( الجزء السادس))..
الجزء السادس
رفعه حيدر : الو هلا والله
فيصل: يالدب رفضت هاااا طيحت قلبي
حيدر: ههههههه افا دريت من قالك
فيصل: قلبي قال لي حيدروو يكذب عليك
حيدر: احلف عاد
فيصل: والله قلبي حساس وخصوصا لو كانت السالفه فيها ريحانه
حيدر: هههههههههه ياللي ماتستحي بعده ماصار شي وتقول كذا .. خليت المره تصير طماطم
فيصل: من ؟؟؟
حيدر:خخخ مالك شغل
فيصل: حيدرووه حاطه سبيكر؟؟
حيدر: مادري يمكن
فيصل: صج خلني اكلمها
حيدر: احلف عاد مافيه
فيصل: بس ببارك لها الله يخليك
حيدر: اممم افكر وارد لك بكره
فيصل: لا والله
حيدر: هههههههه تقول ماتبي رقعه وجههك ولاتبي تكلمك
ريحانه :هاا ماقلت كذا << انتبهت انه سبيكر سكتت :eek:
فيصل: هههههههه عارف ريحانه ماتقول ماتبيني مومثلك
سكتت ريحانه تفشلت اما حيدر بعده يتكلم مع فيصل
بعد اسبوع ...
الساعه الواحده ظهرا ..
بنسوي جوله على البيوت ..
نبدأ ببيت أبو محمد
أم محمد وابو محمد وريم وشوق ومحمد متجمعين على السفره ..
محمد: يبه كلكم معزومين بعد بكره حفله خطوبه فيصل صاحبي
أبو محمد: ولد ابو عبد الله عم مريم بنتي ؟؟
محمد: ايه ولده
أم محمد: والنعم فيهم ان شاء الله نروح لهم
شوق: بياخذ من؟؟
محمد: ماقالت لكم اخت حيدر .؟؟
ريم: بياخذ ريحانه؟؟
محمد: مادري بس اخت حيدر
شوق: الله يبارك لهم ان شاء الله الله يوفقها
رن تلفون شوق
شوق: المؤمن عند ذكره هاهي اتصلت
*&*&*&*&*
بيت أبو خالد<< اخو ام حيدر
أبو خالد: الحمد لله ودي اشوف ريحانه فرحانه من بعد خالد
أم خالد: الله يوفقها ان شاء الله .. بعد بكره الخطوبه صح
علا اخت خالد الوحيده توها داخله : من خطب ؟؟
أم خالد: ريحانه بنت عمتك
علا: صحيح ؟؟؟
أم خالد: أي بعد بكره الخطوبه
علا: الله يبارك لها الا بتاخذ من احد من العيله ؟؟
أبو خالد: ولد عمها
علا: اهاا
*&*&*&*&*
بيت أبو كمال
أم كمال: اليوم لازم نروح السوق
أبو كمال: وليش ؟؟
أم كمال: حق خطوبه ريحانه بنت اختك
تدخلت سحر: يمه الحفله عائليه مايحتاج انا ماابي عندي ثياب
أم كمال: لاوشو عندك ماعندك جدد
سحر: مو لازم جدد انا ماامبي
أم كمال: لا لازم تاخذي ثياب كشخه وشو يقولوا عنك
أبو كمال وقفها عند حدها: خلي البنت بكيفها لازم يعني الخساير الثوب مره ينلبس وينرمى ؟؟
سحر كانت فرحانه لبنت عمها مع ان علاقتهم موقويه ببعض لكنها تحسها حبوبه وطيبه وتستاهل كل خير
*&*&*&*&*
ببيت أبو سعد
ندى: لؤي ماعليه تودوني اليوم السوق
لؤي: ليش
ندى: بشتري لي ثوب حفله صاحبتي ليلة الجايه
لؤي: ايه ماعليه بس ماقدر العصر بالليل
ندى: أي ماعليه مشكوووور
لؤي: طلباتك اوامر بس لاتنسي سلطه المكرونيه
ندى: ههههههه طيب بكره اسويها لك
.*&*&*&*&*
بيت أبو عبد الله
دانه: ولاتقول لي بعد مابتسكن هنا
فيصل: هههههههه امبي اعرف انتي مستعجله ليه
دانه : مو كفايه عبد الله ومريم مو هنا
فيصل: هوفتره هنا وفتره بالرياض
دانه: أي بس اتوقع مريم بتروح معه
فيصل:خخخ تبيها تطالع بوجهك يعني زوجها ابرك لها
سكتوا شوي
فيصل: دانه
دانه: هاا
فيصل: تتوقعيها وافقت بدون ماتقتنع
دانه: لا مااعتقد ريحانه مابتسوي هاذي الخطوه الا مقتنعه بها بس لازم تصبر عليها شوي لين ماتتأقلم معك
فيصل: أي عارف شوي شوي ان شاء الله خالد الله يرحمه الكل كان يحبه انا صحيح مااعرفه الا قليل لكنه يدخل القلب فكيف بريحانه<< الحين كذا وبعدين ؟؟ ;)
دانه: الله يرحمه
*&*&*&*&*
باقي بيت واحد ... بيت أبو حيدر
بنروح لغرفة ريحانه شوي ..
ريحانه كانت تجرب الثوب اللي اشترته حق الخطوبه لبسته كان حلو عليها .. كان بالصدفه لونه احمر
لماطالعت بالمرايا تذكرت جمله <<(( انتي لو تلبسي اسود تطلعي قمر واذا لبستي أحمر تصيري مثل الروز ريحانتي ))
حاولت تتذكر الموقف كانت بالسوق محتاره تاخذ أي واحد اسود او احمر ... أي خالد هذا خالد اللي كان حبيبي والحين راح عني بدون حتى ما يسلم راح بدون مايودعني ...
وبدأت موجه البكاء.. كانت تحاول تنساه عشان فيصل بس .. لكن نسيانها مايطول كل شي عندها يذكرها به والحين حتى ثوب خطوبتها من غيره ذكرها به ....
حاولت تسكت لكن مافيه أمل ..
الباب ينطق
مسحت ريحانه دموعها.. : تفضل
إيمان وبتول راحوا يركضوا لها
إيمان: ريحانه من احلى انا لوبتول
ريحانه: ههه انتوا نفس الثوب ثنيناتكم تجننوا
بتول: بس انتي ثوبك احلى كبير
ريحانه: أي لاني انا العروس
سكتت ريحانه ..
أم حيدر: بتول ايمان تعالوا
دخلت الغرفه .
أم حيدر: اللهم صلي على محمد طالعه مثل القمر حبيبتي زين مقاسه الحين
ريحانه : أي زين ضيقته الخياطه عدل
أم حيدر: بتول ايمان يالله قوموا فصخوه لايتوسخ....
بعد يومين كانت الحفله عائليه والعقد بنفس الوقت ..
الساعه تسع ونصف ليلاً
بصالة البيت الواسعه كان الكل موجود من العائله او الاصدقاء ينتظروا طله ريحانه
بغرفه ريحانه ..
دانه : يالله ريحانه حق يمديك تنزلي تقعدي شوي قبل لايجي الشيخ
ريحانه: طيب شوي وبنزل
دانه: انا بنزل الحين تاخرت
بنفس الوقت كان حيدر راكب الدرج يركض كانه ناسي مهم
طان يطالع بالجوال وهو راكب ماانتبه وصقع بدانه
رفع راسه بيعتذر لكنها بنت ..
غض بصره ونزل راسه حق تعبر: اسف والله ماانتبهت
دانه: مو مشكله ونزلت ركض
حيدر راح على غرفته فتح الصندوق بسرعه طلع منه رساله مكتوب عليها من برى ( إلى ريحانتي) والثانيه مومكتوب عليها شي
الحين جا وقت الرساله ولازم يسلمها لاصحابها
حطهم بمخباه وطالع شكله بالمرايه ونزل
أما بغرفه ريحانه
ندى: يالله ريحانه تاخرتي على الناس
ريحانه: ندى مو كاني تسرعت
ندى خايفه من صاحبتها تقلب على اخر دقيقه: لا ماتسرعتي ولاشي يالله خل ننزل لاتقلبيها عزا الحين
حيدر قبل ماينزل حب يمر على اخته قبل طق الباب
ندى: من
حيدر: ممكن شوي اكلم ريحانه
ندى لبست عباتها وطلعت : تفضل
حيدر دخل الغرفه: يالله ريحانه ماخلصتي
ريحانه :الا انا خالصه
حيدر: يالله طيب ننزل
راح لها وقومها عارف انها لحظات صعبه عليها نزل معها وصل عند مدخل الصاله
حيدر: يالله ابتسمي عاد وجهك مو حلو
ابتسمت وسكتت
اتصل لامه وخبرها وراح جهه الرجال..
دخلت ريحانه جلست على الكرسي المخصص لها
سلموا عليها صاحباتها .. قريباتها
جت علا اخت خالد تسلم عليها .. من شافتها تجمعت الدموع بعينها .. علا كان فيها شبه من اخوها
علا: ألف مبروووك ريحانه
ريحانه: الله يبارك فيك غناتي
علا بمرح: ريحانه ليش الدموع اذا بتصيحي كل ماتشوفيني مابجي عرسك ترا
ريحانه تمزح معها:لا لا مااقدر استغني عنك خلاص بسكت
حاولت ريحانه تتأقلم مع الوضع الجديد
أما في مجلس الرجال ..
الشيخ وصل وتم العقد بقى بس توقيع ريحانه
حيدر: الو يمه خلي ريحانه تجي بالغرفه جنب المجلس
أم حيدر: خلاص تم العقد
حيدر: أي الف مبرووك
أم حيدر: الله يبارك فيك يمه عسى يجي يوم اشوفك معرس
حيدر: الله يسمع منك يالله خليها تجي لان فيصل بعد بيشوفها
أم حيدر: زين يالله مع السلامه
قامت ريحانه لحقتها شوق ..لما وصلت للباب
شوق: ريحانه الماضي لازم ينسى طيب
ريحانه بتردد : ان شاء الله
عند فيصل .. طلع برى بالحديقه ..يقرأ وصيه خالد اللي سلمهااياه حيدر وقال له اقرائها وراح لاخته يسلمها الرساله الثانيه
فتحها وهو يسمي..
(( بسم الله الرحمن الرحيم ..
اللهم صلي على محمد وعلى ال محمد
السلام عليكم اخي ..
لا أدري اتعرفني واعرفك ام لا
لكني واثق بأنك رجل يعتمد عليه ..
أخي لقد امتلكت الان اغلى شي كان لدي .. امتلكت غاليتي ريحانه
كنت لااعتقد ان ريحانه لن تكون لي
لكن وكما يبدو لي ان ايامي اوشكت على الانتهاء
احببت ان اكتب لك كلماتي هذه
أخي .. أرفق بريحانه .. ريحانه انسانه مرهفه الاحاسيس وان رأت عطفك ومحبتك سوف تحبك ...
لاتجعلها تبكي ..أجعلها بعينيك .. احفظها من كل سوء ..
لا اقول لك اني فقط كنت احبها
رغم ان علاقتنا كانت شهر واحد لكنها دخلت قلبي وتغلغلت فيه جعلتني لااطيق الحياة بدونها ..
قد يغيضك كلامي هذا لكن أنا ميت الان .. وهي ملكك الان .. اعتبر ماكتبت خربشات انسان اوشك على فقد من يحب ...
وفقكم الله .. اتمنى لكما حياة سعيده ..
لاتنسوني من دعائكم لي بالرحمه والمغفره ...
أخوك خالد .. ))
وين وين نازلين
خلص الجزء وايد عليكم:p
رسالته لريحانه بالقااادم
:p
بالقادم ...
السلام عليكم .. غاليتي ريحانه ..
غاليتي شرطي قبل ان تكملي القراءة .. رجاء لاتبكي زوجك بإنتظارك الان ...
*&*&*&*&*
###: ماطولوا
##: أي اخاف ريحانه سوت مناحه هناك
###: ههههههه الله يغربل ابليسك لامااتوقع ... ندى خل نروح نشوفها
*&*&*&*
# : يالله طلع كل اللي عندك لاهذا في راسك
##: والله ماعندي الا خمس مئه تبيها خذها
#: وين الجوال
##: ماعندي
# : كذااب
*&*&*&*&*
خلاص كفايه بيخلص الجزء :p
بإنتظاركم ....
رواية ˚ஐ˚◦ أحلام ورديه◦˚ஐ˚◦ كاملة بين ايديكم
العرض العادي
