|
|
شيعي محمدي
|
|
رقم العضوية : 32665
|
|
الإنتساب : Mar 2009
|
|
المشاركات : 3,227
|
|
بمعدل : 0.57 يوميا
|
|
|
|
|
|
المنتدى :
المنتدى الثقافي
قالت يا بنات الحجي هم يحب
بتاريخ : 21-04-2009 الساعة : 02:51 PM
اللهم صل على محمد وآل محمد وعجل
فرجهم الشريف
-----
قصيدتي بعنوان
قالت يا بنات الحجي هم يحب
----
لا تحكم صبر من فضلك امهلني
اسمع شكوتي وبعدين حاسبني
ولا تعجب اذا تقراء من اريد اكتب
الوكت بدل رسومي وانشدن عني
من جنت بعمرهن للسؤال احجب
لا قلته لابوي وامي تنهرني
سألتني بلا خجل تقلي انته تحب
ما هابت الشيب ولا كبر سني
قلت الوكت قوض والنخل رطب
الخود اتجفلن لو قربن مني
ادري الدرب سالك والذلول مخب
مثل ما بيه ماشي هيه تلحقني
قالت لي ابتهكم ما تجي تخطب
مغروره بزغرها اتريد تحرجني
ندامه على الفات وحسرتي تلهب
غدر بيه الزمن والشيب باغتني
حسافه يا زماني مصدق مجذب
لني بحب جديد بكاري وفني
قالت واثق انته بحجيك اتهذب
سولف لي حبيبك زين يعجبني
قلت أوصاف عنده منها تستغرب
ما اقدر اعدها بيها فاتني
تخوصر وانثنى والتفت متعجب
اعتقد حسنه الزايد بيه دوهني
قالت وصفه ليه وبالك اتجذب
تراني اكبر ذكيه وعيب تخدعني
قلت اسمه غرامي اسمعه واطرب
اله طلعه بهيه بيها ساحرني
صاحت يا بنات الحجي هم يحب
تمادن بالحقيقة وحيل آذني
قلت الصبر زين يبين اليجذب
احب طه وبضعته وعلي يعجبني
حسن وحسين حبهم مشرق ومغرب
وعلي والد الباقر ساجد مثني
وابنه مدرسة علم الدين لليكتب
وعن جعفر الصادق لون تنشدني
موسى وابنه مثله والتقي يرهب
وعلي الهادي وابو الموعود عذبني
لطلعت الحجه النظر يرجب
يقيم العدل ومن الظلم ينصفني
وأسالكم الدعا
بقلمي
| |
|
|
|
|
|
العرض العادي
