رحم الله من قراء سورة الفاتحة المباركة
للشاعر رحيم المالكي بهذه الايام المباركة
-----
باسمك يا عظيم ابدي بصريح القول
غيرك مالي ناصر وحديتك رب
وحب آل الرسول المنهج بدنياي
ابحبهم للجليل وبيهم اتقرب
أنه صاحب عقل ميزت وين الخير
ما ساوي الفحم وي خرزة الكهرب
شيعي ورافضي تسميني بعض الناس
نعم رافض ظلمكم ما ابايع ضب
بايعت الولي النصبه الرحمن
قاطع راس عمرو وشاطر المرحب
وهي بيعة ابشرف كملت هذا الدين
سهلة على الشيعي وعلبعض تصعب
خلهة الناس تحجي اشما تريد اتكول
انه الراكب الصعبة وغيري ما يركب
عندي الموت راحة وهذا درب حسين
الذ من الشهد بشفايفي واعذب
تكص بيه المناجل صار هاي اسنين
والوالت الطاغي من العذب تشرب
نصبتوا اله وحلليتوا اعليه
من دمه العفن قرآنكم يكتب
وانه عندي العمامة ثورة عالطاغوت
وغيري ابخزنة الطاغوت ظل ينهب
انه الشيعة العراق امن العرض للطول
انا الكل مو جزء واليعترض جذب
انه البيت كله وراعي هذا البيت
أموت بساحتي وما اترك الملعب
شربت الموت طوعاً ما شكيت ابيوم
انا بسوح الاعدام وموتهة امجرب
انه مضحي بمراجع تسوة عمرو وزيد
صعدت عالمنابر والفشك يلهب
قرابين شكثر قدمت لاجل الدين
وآخرهن فجيعة كربلا الأصعب
ودم البالنجف من خضب المحراب
نهر دمنه ايتدفق ما رضوا ينضب
رضوا ينسفك دمي وججدوا عاشور
انه المطلوب دمي أمريكا مو مطلب
ولا مسالة محتل واحنه نعرف زين
اعين الدساديس وين تترتب
وعلى يا وترتعزف شلّة الارهاب
ونعرف ما تريدة وندرك المطلب
ولكن لا وحك دم الشهيد الطاح بالمحراب
يوم الصعد كلة البارية امخضب
اذا فتوى اطلعت بيكم تميد الكاع
ونكطعهة الجفوف المدت المخلب
نعرفكم منو ونندل حياية البيت
وندري ابيا مكان اتخوتل العكرب
كفاكم دم ترة أزعل واليصير ايصير
واحذروا من حليم القوم اذا يغضب
يصفط روسكم فوك الجباه يدوس
ويخلي ابدماكم يبحر المركب
سامحنه وكلبنة اوراق يابو اوراق
وعمرنا وبنينا والبعض خرب
منزع ما بقة اقوس الصبر يا ناس
امتلى صدر الرجال وغيضهم ضهضب
ما ردنا الدمار واحنه ما بادين
وحشاهة من التعب كوم هالمذهب
لكن غيرنا ايريد الدمار ايصير
وخف رجلة اعله طبل الفاينة واطرب
مو ذنب اغلبية هذا واقع حال
غصبن عالرضى والمارضى الأغلب
غصبن عالرضى والمارضى الأغلب
-------
والله قصيدة روعه
وفقك الله على هذا النقل الموفق
ورحمة الله على الشاعر رحيم المالكي
أدخله الله فسيح جناته
اللهم صل على محمد وآل محمد
حيدر الناصري
اسعدني مرورك ابو كرار
رحم الله رحيم المالكي ومن يقراء له سورة الفاتحة
انه موالي وله حق عليكم اخواني وابنائي
موفقين بحق محمد وآل محمد
الله ياعمو ابو تركي
هيجت الانين لفقدان شاعرنا الشهيد رحيم المالكي
بارك الله بكم على النقل الموفق
ورحم الله الشاعر رحيم
جعل السيده الزهراء شفيعته يوم الورود بحق الحسين .,.
موفقين
الله ياعمو ابو تركي
هيجت الانين لفقدان شاعرنا الشهيد رحيم المالكي
بارك الله بكم على النقل الموفق
ورحم الله الشاعر رحيم
جعل السيده الزهراء شفيعته يوم الورود بحق الحسين .,.
موفقين
اللهم صل على محمد وآل محمد
عاشقة النجف
وفقك الله عمو وجزاك الله خير الجزاء وقليل ما نقدم امام
عطاء خدمة اهل البيت الذين دافعوا عن المذهب بجميع
المحافل
موفقين بحق محمد وآل محمد
الرافضي - للمرحوم - الشاعر رحيم المالكي
العرض العادي
