عندي مشكلتين مع زهور وحاولت معها بجميع الطرق وماكو فايدة
المشكلة الاولى : هي التلفزيون
ادمان مو طبيعي ع الرسوم المتحركة وخاصة توم وجيري وخله ينتهي مافي تقولي لها بح وتسكت وطبعا ماتستوعب انه انتهى لا الا غصب رجعيه
تدرو صايرين مانحس لوجودها أبد من تصحى قالت ماما بوبون (يعني تلفزيون) ولو العب عليها واسوي حالي اشغله واقول لها خربان ماما او اي الجيران اكيد بيشكو وبيقولو خاطفينها مو بنتنا ولما نكون معها ونحاول نسوي اي ازعاج حق تلتهي عنه شوي تعصب وتروح المطبخ وتصيح الا نشغل لها تلفزيون المطبخ
أكثر من مرة البس عباتي قدامها حق من تشوفني بطلع تقوم وتركض وراي أبد مافي أمل ساعات تطالع فيني وترجع للتلفزيون او تقول باي مامي
المشكلة الثانية : لبسها
شفتو هالنعال وانتو بكرامة صاير العزيز الغالي وعندها طقم منه أكثر من واحد يعني
وين مانروح اينو نالي؟؟ يعني وينه نعالي
تخيلو رحت اسبوع المدينة ايام العيد حملت شنطة بس لنعلتها البلاستيك تخيلو ايام عيد حملت لها ثياب العيد واشياء كشخة بطلع معها وبروح و و و
تدرو اني البسها كشخة من فوق بس لاحد يطلعها من تحت لأنها لابسة النعال الأثري وصبرنا
الحين طالعة لي بموضة ثياب طلعة ماتبغى ماعندها الا البيجامة ليل ونهار طالعين ولا لا بيجامة وخلني افكر البسها كأنها مذبوحة
حاملة هم يوم العيد كيف البسها واذا لبست الفستان كيف اقنعها بالجزمة
نور بعدهي زهوور صغيرة تقدري تسيطري عليها بالمسايس يعني بالنسبة للنعال الله يعزش تقدري تتحايلي فيها وتغاوري بها او انش تخليها تتعلق بشي مقدور عليه
بنت اختي 4 سنوات وماترضى تلبس الا نعلة
بالنسبة للتلفزيون الهيها العبي وياها واجد واذا كنتي وابوها قاعدين اشركوها وياكم في الكلام وشوي شوي بتتعود
يمكن تعذبش يوم او يومين لكن راح تتركه
السلام عليكم
اخباركم ياامهات
اخبار الاطفال
اني متواجده في بيت اهلي لان زوجي مسافر والنت في بيت اهلي بطيء مااحب افتحه
بالنسبه للعيد احنا جهزنا بس الطلعه مانطلع بس انروح بيت اهلي والسنه باروح بيت اعيالي اسلم عليهم وبرجع البيت بس
ماعندنا شي انسويه
اختي شيعية موالية تروحين وترجعين لنا بالف الف سلامة ولا تنسينا من الدعاء
اختي نورمشاكلك مع زهور تحتاج لطبيب احصائي الله يكون بعونك ههههههه
المشكلة الاولى يمكن ان تقضي عليها بالالعاب والاكثار من زياره الحدائق العامة
او الذهاب معها لاحد اقاربكم ممكن لديهم اطفال بعمرها لتلعب معهم وتنسى الكارتون
المشكلة الثانية والثالثة نفس الشيء تقريبا وحلها اعتقد ممكن ان تزوري بعض االاقارب والاصقاء ممن لديهم بنات بعمر زهور لترى مايلبسون وترغب في التغيير واهم نقطة بانك لا تجبريها على شيء خليها بكيفها اولا وبالخصوص اذا كانت زياراتك عائلية وليست رسمية ممكن تخليها على رغبتها الى ان تمل من لبسها لوحدها وتطلب منك ان تغيري لها وغالبا هي بتنسى هذه الامور بعد ان تدخليها الروضة مباشره
فرضاء الاطفال عسير واني عندي ابني نفس الشيء لا يريد اللبس الرسمي دائما يحب لبس البجامات ولبس البيت والان هو في الروضة سنة اولى نسى هذه الامور وارتحت شوي حتى الجاكيت لا يريد لبسة مع ان الجو جدا بارد عندما يخرج من البيت ومن كم يوم شاف جميع الاطفال يلبسوا فلبس ..
نور المستوحشين صغرونه وعليها حركات ههههههههههههه مشكلة التلفزيون ولد اختي كان موته توم وجيري والحين ترك الموضوع من نفسه لما فهم بان حركاتهم غلط وهم يضربو لان ولد اختي تعلم منهم وصار يضرب ويعمل حركاتهم ويقول مثل توم او جيري
لكن الافضل تاخدي لها لعبه كبيره تلفت الانتباه مثل مطبخ كبير مع ادواته وعروسه معاها حفاظه يعني بتلهى بتطبخ الى العروس
والعبي معاها واكيد اللعبه بتشدها
قضية النعل يوم الخميس زيارتنا في بيت اهل زوجي بنتي من فوق كشخه وشراب ونعال بيت وصار الكل يضحك
وعندها عباءة راس بعض الاوقات تصر تطلع بها واتركها اذا كنا رايحين الى اهلي او عيالي
اذا ما رضت تلبس خليه في كيس ولبسيها جوتي وقولي نخلي النعال في الكيس الى بعدين وخلها تمسكه
اما البجامه اولادي ثلاثتهم يفرحو اذا شريت البجامه وما يفرحو الى ملابسهم
واذا بتلبسيها خلي في ايدك قليل ماي وقولي لها تبللت لازم نغيرها وبعدين نلبس بجامه حلوه ونظيفه
العرض العادي
